ەلوردالىق ستۋدەنتتەر پرەزيدەنتتىڭ بيىلعى جولداۋىنداعى وزەكتى ماسەلەلەردى تالقىعا سالدى. جاس بەلسەندىلەردىڭ ايتۋىنشا, باعدارلامالىق قۇجاتتى جۇزەگە اسىرۋ بارلىق قازاقستاندىقتاردىڭ ءومىر ساپاسىن جاقسارتادى, دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.
كەزدەسۋگە قالا اكىمىنىڭ ورىنباسارى ەسەت بايكەن, ىشكى ساياسات باسقارماسىنىڭ باسشىسى داۋرەن بابامۇراتوۆ, بەلسەندى, پروديۋسەر ازات ابىكەن, جاستار ۇيىمدارىنىڭ وكىلدەرى مەن ەلوردالىق جوو ستۋدەنتتەرى قاتىستى.
ەلوردالىق جاستار مەملەكەت باسشىسىنىڭ بيىلعى جولداۋىندا جاريالاعان رەفورمالارىن تالقىلادى. ستۋدەنتتەر پرەزيدەنتتىڭ تسيفرلاندىرۋ, بيزنەس پەن ادامي كاپيتالدى دامىتۋعا قاتىستى باستامالارىنا ەرەكشە نازار اۋداردى.
ء«بىرىنشى قىركۇيەكتە پرەزيدەنت قاسىم-جومارت توقاەۆتىڭ جولداۋىن وتباسىمىزبەن قاراپ وتىردىق. مەنىڭ جەكە نازارىما ىلىككەن بىرنەشە ساتتەر بولدى. مەملەكەت باسشىسى مەديتسينا ماسەلەلەرى, شارۋاشىلىقتى دامىتۋ جانە زەينەتكەرلىك جاستى تومەندەتۋ سياقتى بارلىق ماڭىزدى اسپەكتىلەردى اتاپ ءوتتى», دەدى كوللەدج ستۋدەنتى ارۋجان ءتۇسىپوۆا.
باسقوسۋدا ستۋدەنتتەر ءبىلىم الۋدىڭ قولجەتىمدىلىگىن ەرەكشە اتاپ ءوتتى. جوعارى وقۋ ورىندارىندا ءبىلىم الۋ قۇنى وسەتىنىنە بايلانىستى, پرەزيدەنت سارالانعان گرانتتاردى ءبولۋدى ۇسىندى. ستۋدەنتتەردىڭ پايىمىنشا, 2-3% جەڭىلدىكپەن نەسيە بەرۋ جانە «ۇلتتىق قور - بالالارعا» باستاماسى جاستار مەن بالالاردىڭ جارقىن بولاشاعىنا ۇلەس قوسادى.
«جولداۋدا اتاپ وتىلگەن جاڭا ۇلتتىق قور, بالالارعا قاتىستى ماڭىزدى جوبالار وتە ۇنادى. مەنىڭ ويىمشا, «جاڭا قازاقستان» شىنايى. ول بار», دەدى بەلسەندى ازات ابىكەن.
«استانا جاستارى» جاستار رەسۋرستىق ورتالىعىنىڭ ءبولىم باسشىسى ارايلىم ساپارعاليدىڭ ايتۋىنشا, 18 جاسقا دەيىنگى بالالارعا ارنالعان ۇلتتىق قور جاستار اراسىندا قولداۋ تاپتى. بۇل تەك جاس قازاقستاندىقتار ءۇشىن عانا ەمەس, بارشا قازاقستاندىقتار ءۇشىن كۇتپەگەن بىراق وتە جاعىمدى جاڭالىق بولدى.
جاس بەلسەندىلەر ەڭ تومەنگى جالاقى مولشەرىن كوتەرۋدى وتە ماڭىزدى دەپ سانايدى. سەبەبى تەك وسى باستاما عانا ەكى ميلليونعا جۋىق قازاقستاندىقتىڭ تابىسىن ارتتىرۋعا مۇمكىندىك بەرەدى.
«قازىرگى ۋاقىتتا جاستار ساياسي الاڭدا وتە بەلسەندى. ولار قازاقستاننىڭ ساياساتىنا, ەكونوميكاسىنا, الەۋمەتتىك ساياساتىنا قاتىسادى. جاستار نەگىزىنەن ءوز ەلىنە قالاي كومەكتەسۋگە بولاتىنىن, جاعدايدى قالاي جاقسارتۋعا, ءوز ۇلەسىن قالاي قوسۋعا بولاتىنىن بىلۋگە ۇمتىلادى. سوڭعى ۋاقىتتا مۇنداي كەزدەسۋلەر ءجيى ءوتىپ جاتىر. ولاردىڭ باستاماشىلارى, ارينە, جاستاردىڭ ءوزى», دەدى «استانا جاستارى» جاستار رەسۋرستىق ورتالىعىنىڭ ەرىكتىلەر قوزعالىسىن دامىتۋ ءبولىمىنىڭ باسشىسى ەلۆيرا ەسمۇحانوۆا.