قازاقستاننىڭ ەستونياداعى ەلشىلىگىندە بەلگىلى قازاق اعارتۋشىسى جانە قوعام قايراتكەرى احمەت بايتۇرسىن ۇلىنىڭ تۋعانىنا 150 جىل تولۋىنا وراي كوركەمسوز وقۋ شەبەرلەرىنىڭ بايقاۋى ءوتتى. وعان وسى ەلدە تۇراتىن قازاقستاندىق دياسپورانىڭ وكىلدەرى قاتىسقان, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
بايقاۋعا قاتىسۋشىلار بەلگىلى اۆتورلاردىڭ ولەڭدەرىن وقۋ, مونولوگ قۇراستىرۋ جانە مۋزىكالىق كومپوزيتسيالاردى جاڭعىرتۋ بويىنشا سايىسقا ءتۇستى. قازىلار القاسى قاتىسۋشىلاردى داۋىس مانەرى, تاڭدالعان شىعارمانىڭ كۇردەلىلىگى جانە مۋزىكالىق اسپاپتى مەڭگەرۋ شەبەرلىگى نەگىزىندە باعالادى. شىعارماشىلىق جارىستىڭ قورىتىندىسى بويىنشا جەڭىمپازدار انىقتالىپ, ولار ۇلتتىق ناقىشتاعى باعالى سىيلىقتار الدى.
وتكەن كونكۋرستىڭ ماقساتى - قازاقستاندىق جازۋشىلاردىڭ كوركەم ادەبيەتى مەن شىعارماشىلىق مۇراسىن ناسيحاتتاۋ, ۇلتتىق بىرلىكتى نىعايتۋ جانە پاتريوتيزمگە تاربيەلەۋ.
بايقاۋعا قاتىسۋشىلار مەن كورەرمەندەر مەملەكەتتىك ءتىلدىڭ قولدانىلۋ اياسىن كەڭەيتۋ جانە قازاقستانمەن مادەني بايلانىستاردى ساقتاۋ ءۇشىن وسىنداي ءىس-شارالاردى وتكىزۋدىڭ ماڭىزى زور ەكەنىن اتاپ ءوتتى.
ء«ىس-شارا انا تىلىنە دەگەن قىزىعۋشىلىقتى نىعايتىپ قانا قويماي, سونىمەن قاتار قازاقستاندا جانە ودان تىس جەرلەردە تانىمال وتاندىق مادەنيەت قايراتكەرلەرىنىڭ شىعارماشىلىعىن زەردەلەۋ نيەتىن تۋدىردى», دەدى ەستونياداعى «اتامەكەن» قازاق قوعامىنىڭ جەتەكشىسى ايدىناي بۇحارباەۆا.