جەزكيىك ءبىزدىڭ جاققا قايدان كەلدى؟

قازىر كيىكتەر سول­تۇس­تىك قازاقستان وبلىسىندا دا كو­بەيگەن. ولاردى اتىپ, ەتىن جەپ, ءمۇيىزىن ساتقاننان ايىپ­پۇل­دىڭ شىعىنى الدەقايدا كوپ بولاتىنىن كورگەن مەرگەندەر قازىر كيىكتەرگە مىلتىق كە­زە­نۋگە باتا المايدى. ال تەز كوبەيەتىن بۇل جانۋارلار جول­دىڭ ۇستىنە شىعىپ كە­تىپ, جو­لاۋشىنىڭ جولىن كە­سۋى كوبەيىپ بارادى. كيىكتەر ۇل­كەن, اسفالتتى جولداردا عانا ەمەس اۋىل اراسىنداعى قا­را جولداردىڭ ۇستىندە دە جولدى كەسۋگە تىرىسادى. اسىرە­سە قاس قارايعان ساتتەردە ولار­دىڭ جولدىڭ جيەگىنەن شى­عا كەلۋى كوبەيىپ بارادى. جۋىر­­دا ءوزىمىز دە ءدال وسىنداي جاعدايعا دۋشار بولدىق. اي­تەۋىر جىلدامدىقتىڭ قاتتى بولماعاندىعىنىڭ ارقاسىندا تەجەگىشتى باسىپ ۇلگەرىپ, كولىگى­مىزگە زاقىم كەلتىرمەي جانۋاردى امان جىبەردىك.

جاقىندا اققايىڭ اۋدا­نىنىڭ اۋماعىندا ەكى بىردەي اۆتوكولىك ەلىككە سوعىلىپ, زاقىمدالدى. جانۋار مەرت بولدى, ال كولىككە اجەپتاۋىر زا­قىم كەلدى. وقيعا تۇنگى ساعات ون شا­ما­سىندا نۇر-سۇلتان – پەت­رو­پاۆل اۆتوجولىنىڭ 455-شا­قىرىمىندا بولعان. وسى جەردەگى استراحانكا اۋىلىنىڭ ماڭىندا كەلە جاتقان Hyundai Tucson اۆتوكولىگىنىڭ الدىن كەنەتتەن ەلىك كەسىپ وتپەك بولعاندا جۇرگىزۋشى كولىكتى تەجەپ ۇلگەرە الماي, وعان قات­تى سوعىلعان. سوققىنىڭ قات­تىلىعى سونداي ەلىك قارسى باعىتقا ۇشىپ كەتىپ, Audi-100 ماركىلى اۆتوكولىگىنە سوعىلعان. ەلىك مەرت بولدى. ەشكىم زارداپ شەككەن جوق, الايدا اۆتو­كو­لىكتەرگە ايتارلىقتاي مەحاني­كالىق زاقىم كەلتىرىلدى.

ءدال وسى تراسسانىڭ بويىن­دا بۇ­دان بۇرىن داتس وسىنداي وقيعالار بول­عان ەدى. وقيعا بار بولعانى ءبىر شاقىرىمداي عانا الىستا تىركەل­گەن. ەكى وقيعانىڭ بولعان جەرى دە ءبىر ۋچاسكەگە جاتادى, دەمەك وسى جەردە قاس قارايا ەلىك كوپتەپ ورەدى دەگەن ءسوز. ول جولى ەلىك پەترو­پاۆلدان شىق­قان استانا تۇرعى­نىنىڭ Jac J7 اۆتوكولىگىنە سوعىلىپ مەرت بولعان. بۇل جولى دا كولىككە مەحانيكالىق زاقىم كەلتىرىلدى, جۇر­گىزۋشىنىڭ ءوزى زارداپ شەككەن جوق.

«اۆتوكولىك جۇرگىزۋشىلەرىنە ورمان جاقىن ورنالاسقان جول­دىڭ ۋچاسكەلەرىندە اسا ساق بولۋدى سۇرايمىز. سونداي-اق جول بەلگىسىنە نازار اۋدارىپ, مال ايداپ وتەتىن جانە تاعى باسقا جانۋارلار جايىلاتىن جەرلەردە جىلدامدىقتى ازايتۋ كەرەك. ءبىز ونداي ۋچاسكەلەرگە ارناۋلى ماكەتتەر دە ورنالاستىردىق», دەيدى پد جەرگىلىكتى پوليتسيا قىزمەتى باسقارماسىنىڭ باسشىسى, پوليتسيا پولكوۆنيگى ايدىن بايماتوۆ.

جۇرگىزۋشىلەردىڭ نازارىن اۋدارىپ, جول قاۋپى تۋرالى ەسكەرتۋ ءۇشىن قازىر پوليتسيا قىزمەتكەرلەرى جانۋارلاردىڭ 27 ماكەتىن قول­دانۋدا ەكەن. مۇندايدى كەيبىر جۇرگىزۋشىلەر جول بويىن اسەمدەۋ ءۇشىن قويىل­عان دەپ كوڭىل اۋدارمايدى. شىن مانىندە بۇل – قاۋىپتى ەسكەرتۋ.

سونىمەن بىرگە قاۋىپتەن ساق­تا­نۋدى كوزدەپ ءتارتىپ ساق­شى­لارى 18 جەرگە پوليتسيا كولىگىنىڭ ما­كەت­تەرىن دە ورناتىپتى. «بۇل جۇرگىزۋشىنى قورقىتۋ ءۇشىن ەمەس, قاۋىپتەن ساقتاندىرۋ ءۇشىن جاساعان بەلگىلەرىمىز. ەسكەرتۋدى ەسكە تۇتقان جۇرگىزۋشى وپىق جەمەي­دى», دەيدى پولكوۆنيك.

بۇدان باسقا ءۋاليحانوۆ, اق­قايىڭ مەن ايىرتاۋ اۋ­دان­دا­رىنداعى ەلدى مەكەن اۋماعىندا جولدان وتپەك بولعان بالالاردىڭ 5 ماكەتى ورنالاستىرىلىپتى. پوليتسيا قىزمەتكەرلەرى بۇل ءتاسىل جۇر­گىزۋشىلەردىڭ نازارىن اۋدار­تىپ, قاۋىپتى ۋچاسكەلەردە جىل­دامدىقتى ازايتۋعا سەپتىگىن تيگىزەتىن سەنىمدى قۇرال بولار ما ەكەن دەگەن ۇمىتتە كورىنەدى.

جۋىردا «قاۋىپسىز جول» رەس­پۋبليكالىق ايلىعى شەڭبە­رىندە وبلىستىڭ اكىمشىلىك پولي­تسەيلەرى 800 شاقىرىم جول­دى قامتىعان اۆتوموبيل جولدارى مەن جول-كوشە جەلى­سىنە 397 تەكسەرۋ جۇرگىزىپ, ءجۇرىس قاۋىپسىزدىگىنە تەرىس اسەر ەتەتىن 294 اقاۋدى انىقتادى. انىق­تالعان كەمشىلىكتەردى جويۋ تۋرالى 212 ۇيعارىم شىعا­رىلدى, ولار بويىنشا جولدى كۇتىپ ۇستاۋعا جاۋاپتى 21 لاۋا­زىمدى تۇلعا اكىم­شىلىك جاۋاپ­كەرشىلىككە تارتىلدى.

وسى ءىس-شارانىڭ اياسىندا پەتروپاۆل قالاسىنىڭ ىشىن­دە پاترۋلدىك پوليتسيا باتالو­نىنىڭ قىزمەتكەرلەرى اباي كوشەسىنىڭ بويىندا 30 جاستاعى قالا تۇرعى­نى جۇرگىزىپ كەلە جاتقان Lada-2170 اۆتوكولىگىن تەكسەرگەندە سالونداعى ءتورت ادامنان دا الكو­گولدىڭ ءيىسى بۇرقىراپ تۇرعان. ونىڭ ىشىن­دە جۇرگىزۋشىنىڭ ءوزى دە بار. مەديتسينالىق كۋالاندىرۋ جۇر­گىزۋشىنىڭ ءوز تانىستارىن ولاردىڭ جانە ءوزىنىڭ ءومىرى مەن دەنساۋلىعىن قاتەرگە تىگە وتىرا تاسىمالداعانىن راستادى. قازىرگى ۋاقىتتا جۇرگىزۋشى اكىمشىلىك قاماققا الىنىپ, وعان 7 جىلعا دەيىن رۋلگە وتىرۋعا تىيىم سالىندى. پولي­تسەيلەر قانشا ەسكەرتىپ وتىرسا دا وسىنداي قاتەرلەرگە دە جول بەرىلەدى.

بايقاپ تۇرساق جۇرگىزۋشى­لەرگە ەسكەرتۋ, قاۋىپتى ءبىلدىرۋ از ەمەس, بىراق سونى جۇرگىزۋشىلەر قاپەرىنە الىپ وتىرسا – جول اپاتى دا ازايعان بولار ەدى.

سولتۇستىك قازاقستان وبلىسى