«حيننامنور» تايفۋنىنىڭ جاقىنداۋىنا بايلانىستى وڭتۇستىك كورەيادا جۇزدەگەن ىشكى رەيستەر توقتاتىلدى, دەپ حابارلايدى Egemen.kz ينتەرفاكس اگەنتتىگىنە سىلتەمە جاساپ.
وڭتۇستىك كورەيا بۇقارالىق اقپارات قۇرالدارى ەلدىڭ ءارتۇرلى بولىكتەرىندەگى پارومداردىڭ قوزعالىسى توقتاتىلعانى تۋرالى اقپارات تاراتا باستادى.
دۇيسەنبىدە تايفۋن وڭتۇستىك كورەيانىڭ چەدجۋدو ارالىنىڭ ماڭىندا ءوتتى. ونىڭ جىلدامدىعى ساعاتىنا 216 كم-گە دەيىن جەتتى. ارالداعى جەرگىلىكتى بيلىك مەكتەپتەردەگى ساباقتاردى توقتاتىپ, كوپتەگەن كاسىپورىندار جابىلدى.
سينوپتيكتەر سەيسەنبى كۇنى «حيننامنور» وڭتۇستىك كورەيانىڭ ەكىنشى ۇلكەن قالاسى پۋسانعا جاقىن ورنالاسقان اۋداندارعا تۇسەتىنىن بولجادى.
تايفۋننىڭ جاقىنداۋىنا بايلانىستى سەيسەنبىدەن باستاپ سەۋلدە باستاۋىش جانە ورتا مەكتەپتەردەگى ساباقتار ونلاين فورماتتا وتكىزىلەدى.
وڭتۇستىك كورەيانىڭ مەتەورولوگيالىق قىزمەتى تايفۋننىڭ سالدارىنان بۇكىل ەلدە قاتتى جەل مەن نوسەر كۇتىلەتىنىن, جاعالاۋداعى اۋدانداردا جوعارى تولقىندار, داۋىل مەن تسۋنامي بولاتىنىن حابارلاپ, جەرگىلىكتى تۇرعىنداردى ساق بولۋعا شاقىردى.
ماماندار تايفۋنعا قاۋىپتىڭ ءۇشىنشى ساناتى بەرىلگەنىن ايتادى. قازىردىڭ وزىندە جەلدىڭ ەكپىنى ساعاتىنا 176 كم-گە دەيىن جەتەدى.