جولداۋدا قامتىلعان باعىتتار ەلدەگى ساياسي تۇراقتىلىقتى ساقتاۋعا كەپىل بولادى. جولداۋدا جەر تەلىمدەرىن پايدالانۋ, سۋ رەسۋرستارىنا بايلانىستى ماسەلەلەر مەن كاسىپكەرلىكتى دامىتۋعا باسا نازار اۋدارىلدى. مۇنىڭ ناتيجەسىن قاراپايىم حالىق جاقىن جۋىقتا ايتارلىقتاي سەزىنەتىنىنە سەنىم مول.
ماسەلەن, ەل پرەزيدەنتى قاسىم-جومارت توقاەۆ ەڭ تومەنگى جالاقىنى 70 مىڭعا دەيىن كوبەيتۋدى تاپسىردى. سونىمەن قاتار ايەلدەردىڭ زەينەتكە شىعۋ جاسىن 2028 جىلعا دەيىن 61 جاس ەتىپ بەكىتۋ ۇسىنىلدى. بۇل ءوز كەزەگىندە كەز كەلگەن قازاقستاندىققا تىكەلەي اسەر ەتەتىن باستاما دەپ ايتۋعا بولادى.
جالپى, بۇگىنگى جولداۋدىڭ باستى تەتىگى – ادىلەتتى قازاقستان. ءاربىر قامتىلعان باعىت ەلدەگى ساياسي تۇراقتىلىقتى ساقتاۋ ءۇشىن جاسالۋدا. ياعني بۇل تەتىك ىشكى تۇراقتىلىققا كەپىل بولادى. سونىمەن بىرگە, جولداۋ كەزىندە اتقارۋشى بيلىك, ۇكىمەتكە دە سىن ايتىلدى. كەز كەلگەن باستامانى جۇزەگە اسىرۋشى – ول ۇكىمەت. وسىعان ساي, الداعى ۋاقىتتا جەرگىلىكتى باسقارۋشى ورگانداردىڭ جۇمىسى وڭتايلاندىرىلادى.
ينفوگرافيكانى جاساعان امانگەلدى قياس, «ەQ»
قازبەك مايگەلديەۆ,
قازاقستاندىق قوعامدىق دامۋ ينستيتۋتى باسقارما توراعاسى