اتىراۋ وبلىسى اكىمىنىڭ ورىنباسارى جاسۇلان بيسەمبيەۆ جاڭا باسشىنى ۇجىمعا تانىستىردى.
گۇلنار سادۋاقاسوۆا ەڭبەك جولىن 1989 جىلى بۇرىنعى گۋرەۆ مۋزىكا ۋچيليششەسى, قازىرگى «دينا نۇرپەيىسوۆا اتىنداعى حالىقتىق مۋزىكا اكادەمياسى» اتىراۋ مۋزىكا كوللەدجىندە كونتسەرتمەيستەر قىزمەتىنەن باستاعان. 1993-2007 جىلدارى كوللەدجدە مۋزىكا تەورياسى پانىنەن وقىتۋشى, ديرەكتوردىڭ وقۋ ءىسى جونىندەگى ورىنباسارى بولىپ جۇمىس ىستەدى. 2007 جىلدىڭ قازان ايىنان بۇگىنگە دەيىن «دينا نۇرپەيىسوۆا اتىنداعى حالىقتىق مۋزىكا اكادەمياسى» اتىراۋ مۋزىكا كوللەدجىنىڭ ديرەكتورى قىزمەتىن اتقاردى.
سونىمەن قاتار گۇلنار سادۋاقاسوۆا وبلىستىق بالالار مۋزىكا مەكتەپتەرى باسشىلارى كەڭەسىنىڭ ءتورايىمى, قازاقستان ىسكەر ايەلدەرى قاۋىمداستىعىنىڭ مۇشەسى. ءبىلىم جانە عىلىم مينيسترلىگىنىڭ ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن جانە قر تاۋەلسىزدىگىنە 30 جىل مەرەكەلىك مەدالىمەن ماراپاتتالعان.