باتىس قازاقستاندا ءبىر كۇندە ەكى جول كولىك-وقيعاسى بولدى. ەكى ادام كوز جۇمدى, دەپ حابارلايدى Egemen.kz Polisia.kz سايتىنا سىلتەمە جاساپ.
وقيعا 31 تامىزدا تاڭعى ساعات 06.00 شاماسىندا وزينكي – ورال اۆتوجولىنىڭ 10-شاقىرىمىندا ورىن العان. 34 جاستاعى جۇرگىزۋشى Ford Fusion جۇرگىزىپ كەلە جاتىپ, رولگە يە بولا الماي 40 جاستاعى ازاماتتى قاعىپ كەتكەن. جول-كولىك وقيعاسى سالدارىنان جاياۋ جۇرگىنشى وقيعا ورنىندا كوز جۇمدى.
ەكىنشى وقيعا سول كۇنى ساعات 07.55 شاماسىندا سامارا – شىمكەنت اۆتوجولىنىڭ 446 كم-دە بولعان. 46 جاستاعى جۇرگىزۋشى Daewoo Matiz كولىگىن جۇرگىزىپ كەلە جاتىپ, رولگە يە بولا الماي, جول جيەگىنە اۋدارىلعان. جول-كولىك وقيعاسى سالدارىنان 46 جاستاعى جۇرگىزۋشى العان جاراقاتتارىنان وقيعا ورنىندا كوز جۇمدى.
اتالعان فاكتى بويىنشا قر قك-ءنىڭ 345-بابى 3-بولىگىمەن (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) سوتقا دەيىنگى تەرگەۋ امالدارى جۇرگىزىلىپ جاتىر.