ەلىمىزدىڭ اۋىل شارۋاشىلىعى ونىمدەرىنىڭ كولەمىن جانە ونىڭ قوسىمشا قۇنىن ارتتىرۋ قاجەت. بۇل تۋرالى مەملەكەت باسشىسى قازاقستان حالقىنا جولداۋىندا ايتتى, دەپ حابارلايدى Egemen.kz.
«ەلىمىزدىڭ اۋىل شارۋاشىلىعى ونىمدەرىنىڭ كولەمىن جانە ونىڭ قوسىمشا قۇنىن ارتتىرۋ قاجەت. بۇل – ستراتەگيالىق مىندەت. قازىر تەك بيداي مەن مال ساتىپ وتىراتىن زامان ەمەس», دەدى پرەزيدەنت.
پرەزيدەنت ۇكىمەت اگروونەركاسىپ سالاسىن سۋبسيديالاۋدىڭ ۇزاق مەرزىمگە ارنالعان جاڭا تاسىلدەرىن ازىرلەۋگە ءتيىس ەكەنىن جانە بيۋدجەت قاراجاتىنىڭ قايتارىمى بولۋى كەرەك ەكەنىن اتاپ ءوتتى.
«مەملەكەت قارجىنى وڭدى-سولدى شاشىپ, ىسىراپ ەتۋگە جول بەرمەيدى. سۋبسيديا بولۋگە جانە ونىڭ جۇمسالۋىنا جۇرگىزىلەتىن باقىلاۋدى كۇشەيتۋ كەرەك», دەدى قاسىم-جومارت توقاەۆ.