مەملەكەت باسشىسى قاسىم-جومارت كەمەل ۇلى پارلامەنت پالاتالارىنىڭ بىرلەسكەن وتىرىسىندا قازاقستاندا سۋ سالاسىن دامىتۋ قاجەتتىلىگىنە نازار اۋداردى, دەپ حابارلايدى Egemen.kz.
«ەل ەكونوميكاسىن تۇراقتى دامىتۋعا سۋ تاپشىلىعى قاتتى كەدەرگى بولىپ وتىر. قازىر بۇل ۇلتتىق قاۋىپسىزدىك ماسەلەسىنە اينالدى. سىرتتان كەلەتىن سۋ ازايىپ بارادى. سول سۋدىڭ ءوزىن ءتيىمسىز پايدالانۋ جاعدايدى ودان ءارى ۋشىقتىرىپ وتىر. سۋدىڭ 40 پايىزى قۇمعا ءسىڭىپ جاتىر. بۇل سالادا باسقا دا تۇيتكىلدەر از ەمەس», دەدى مەملەكەت باسشىسى.
ول ءوز سوزىندە ەلىمىزدە ينفراقۇرىلىم ابدەن توزعانىن, سونداي-اق, اۆتوماتتاندىرۋ جانە تسيفرلاندىرۋ دەڭگەيى تومەن ەكەنىن اتاپ ءوتتى.
«عىلىمي نەگىزدەمە جوق, ماماندار تاپشى. بۇل ماسەلەلەردى شەشۋ ءۇشىن ۇكىمەت جانىنداعى سۋ كەڭەسىنىڭ جۇمىسىن جانداندىرۋ قاجەت, ءبىلىمدى ساراپشىلاردى جۇمىسقا تارتۋ كەرەك. قاجەتتى مامانداردى دايارلاۋ ءۇشىن بۇل سالاداعى ىرگەلى ءارى مىقتى جوعارى وقۋ ورنىن انىقتاعان ءجون. سۋ سالاسىن دامىتۋدىڭ ءۇش جىلدىق جوباسىن ازىرلەۋ كەرەك», دەدى پرەزيدەنت قازاقستان حالقىنا ارناعان جولداۋىندا.