قارجىلىق مونيتورينگ اگەنتتىگى بىرنەشە جشس-نى رەيدەرلىك جولمەن باسىپ الۋ دەرەگى بويىنشا سوتالدى تەرگەۋ جۇرگىزىپ جاتىر, دەپ حابارلايدى Egemen.kz قما ءباسپاسوز قىزمەتىنە سىلتەمە جاساپ.
«الدىن الا بولجام بويىنشا زارداپ شەگۋشىگە كەلتىرىلگەن شىعىن كولەمى 18 ميلليارد تەڭگەدەن اسادى. بيىل 14 شىلدەدە سوت ر. باباەۆ, ت. تاناشەۆ, د. ءابيجانوۆ جانە ا. التىباساروۆقا قاتىستى قاماۋعا الۋدى سانكتسيالادى. قوسپاەۆ, شالين جانە يماشەۆقا حالىقارالىق ىزدەۋ جاريالاندى. م ۇلىكتى انىقتاۋ جانە تىيىم سالۋ شارالارى قابىلداندى», دەلىنگەن حابارلامادا.
قما مالىمەتىنشە, بۇل ازاماتتاردىڭ 9 ميلليون دوللارعا جۋىق قاراجاتى بۇعاتتالىپ, زەرگەرلىك بۇيىمدارى تاركىلەنگەن.
«كۇدىكتىلەر مەن ولارعا قاتىستى تۇلعالاردىڭ 154 جىلجىمايتىن م ۇلىك نىسانى (تۇرعىن ءۇي كەشەنىندە 102 پاتەر, 6 جەكەمەنشىك ءۇي, 28 تۇرعىن ەمەس ءۇي, 11 ۋچاسكە, ءبىر ساۋدا نىسانى, ەكى قالا, ءتورت كولىك تۇراعى), 19 كولىك تاركىلەنگەن. سوتالدى تەرگەۋ جالعاسىپ جاتىر. قر قپك-نىڭ 201-بابىنا سايكەس وزگە مالىمەت جاريا ەتىلمەيدى», دەلىنگەن حابارلامادا.