قوسشى قالاسىندا كارىز شۇڭقىرىنان التى جاسار بالا ءولى تابىلدى, دەپ حابارلايدى Egemen.kz پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
پوليتسەيلەر مالىمەتىنشە, 26 تامىزدا ساعات 21.30 شاماسىندا ءتارتىپ ساقشىلارىنا جەرگىلىكتى تۇرعىننان ەكى ساعات بۇرىن التى جاسار ۇلى اۋلاعا ويناۋعا كەتكەنى جانە سودان بەرى قايدا ەكەنى بەلگىسىز ەكەنى تۋرالى حابارلاما تۇسكەن.
«پوليتسيا باسقارماسىنىڭ باسشىلىعى, جەكە قۇرام مەن جەدەل-تەرگەۋ توبى كورسەتىلگەن مەكەنجايعا دەرەۋ جەتتى. جەدەل-ىزدەستىرۋ شارالارى ناتيجەسىندە بالا كارىز شۇڭقىرىنان ءولى تابىلدى», دەدى ۆەدومستۆو وكىلدەرى.
پوليتسيا بۇل دەرەكتى سوتالدى تەرگەپ-تەكسەرۋدىڭ بىرىڭعاي تىزىلىمىنە تىركەگەن, ساراپتامالار تاعايىندالدى.