جەزقازعاندا بيزنەستەگى سەرىكتەسىن اتىپ ولتىرگەن قالا تۇرعىنى ۇستالدى, دەپ حابارلايدى Egemen.kz.
قالالىق پوليتسيا ءبولىمىنىڭ حابارلاۋىنشا, 22 تامىزدا ەكى قاباتتى ءۇيدىڭ پاتەرىندە كىسى ءولىمى بولعانى تۋرالى حابارلاما كەلىپ تۇسكەن.
وقيعا ورنىنا جەتكەن جەدەل-تەرگەۋ توبى ءمايىتتىڭ 54 جاستاعى قالا تۇرعىنىنا تيەسىلى ەكەنىن انىقتادى.
«كريمينالدىق پوليتسيا قىزمەتكەرلەرى جەدەل-ىزدەستىرۋ شارالارى بارىسىندا 60 جاستاعى قالا تۇرعىنىن ۇستادى. كۇدىكتىنىڭ ايتۋىنشا, مارقۇم بيزنەستەگى بۇرىنعى سەرىكتەسى بولعان. كەيىن ءوزارا بيزنەستى جاۋىپ, دۇنيە-م ۇلىكتى بولىسكەن. سونىڭ نەگىزىندە ەر ادامدار اراسىندا بىرنەشە جىلعا سوزىلعان جانجال تۋىنداعان», دەلىنگەن حابارلامادا.
كۇدىكتى گاراجدا اڭشى مىلتىعىن تازالاپ وتىرعان كەزدە سەرىكتەسىنىڭ اۋلاعا شىققانىن كورىپ, ونى اتىپ تاستاعان.
قازىرگى كەزدە اتالعان دەرەك بويىنشا سوتقا دەيىنگى تەرگەۋ امالدارى باستالدى. كۇدىكتى ۋاقىتشا ۇستاۋ يزولياتورىنا قامالدى.