ءرۋبلدىڭ قارقىنى باسەڭدەدى

شولۋدا وڭىردەگى ەكونوميكالىق دامۋ­دىڭ كوپ قىرلى باعىتىن اتاپ وتەدى. جارتى جىلدىڭ قورىتىندىسى بويىنشا رەسەي مەن بەلورۋسسيادا قۇلدىراۋ (0,5 پايىز جانە 4,2 پايىز) بايقالادى. ال وزگە قاتىسۋشى-ەلدەردەگى ىشكى جالپى ءونىم سەنىمدى تۇردە جوعارىلاعان. اتاپ ايتساق, ارمەنيادا – 11,8, قازاقستاندا – 3,4, قىرعىزستاندا – 6,3, تاجىكستاندا – 7,4 پايىز.

ەادب اناليتيكتەرىنىڭ پىكىرىنە قارا­عان­دا, 2022 جىلدىڭ قورىتىندىسى بويىن­شا ەكونوميكالىق كورسەتكىشتەر بىرقاتار ەلدە بولجامنان دا جاقسىراق بولىپ شى­عادى.

«بۇعان, اتاپ ايتقاندا, ەنگىزىلگەن شەك­تەۋلەرگە بەيىمدەلۋدىڭ ايتارلىقتاي جو­عا­رى قارقىنى جانە مۇناي وندىرۋدەگى سانك­تسيا­لار­دىڭ كەشىكتىرىلگەن سيپاتى ىقپال ەتەدى. ءوڭىردىڭ ەكونوميكاسىن قولداۋعا بيلىك شارالارى دا اسەرىن تيگىزىپ جاتىر. دەگەنمەن ەكىنشى جارتىجىلدىقتاعى ەكو­نو­ميكالىق ديناميكاعا سىرتقى كون­يۋن­ك­تۋرانىڭ ناشارلاۋى ايتارلىقتاي اسەر ەتۋى مۇمكىن. ەۋروايماق پەن اقش-تا رەتسەسسيا ىقتي­مال­دى­عى جوعارى. ول رەتسەسسيا تىم تەرەڭ بولمايدى دەپ كۇتىلەدى. دەگەنمەن بۇل جاعداي ايماق ەلدەرىنىڭ ەكسپورتتىق تاۋارلارىنا الەمدىك ەكو­نو­مي­كاداعى سۇ­را­نىسقا كەرى اسەرىن تيگى­زەدى», دەيدى ساراپشىلار.

بانك شولۋىندا ماۋسىم مەن شىلدەدە ءرۋبلدىڭ ايتارلىقتاي نىعايۋى بولعانىن, بىراق سول نىعايۋدىڭ ارتتا قالعانىن ما­لىمدەيدى. الدىڭعى ماكروەكونوميكالىق شولۋدا ەادب ساراپشىلارى ءرۋبلدىڭ مۇنداي نىعايۋى رەسەي ەكونوميكاسى ءۇشىن جا­عىمسىز فاكتورعا اينالۋى مۇمكىن ەكە­نىن كورسەتەتىن ەسەپتەۋلەرگە سىلتەمە جا­­سا­عان.

ساراپشىلاردىڭ ايتۋىنشا, رۋبل ەكىنشى جارتىجىلدىقتا بيۋدجەت پەن ەكسپورتتاۋشىلار ءۇشىن قولايلى دەڭگەيگە كو­شەدى. بۇل قوزعالىستىڭ قارقىندىلىعى ەڭ الدىمەن يمپورتقا سۇرانىستىڭ قالپىنا كەلۋىنە بايلانىستى بولماق.

قازىر قازاقستاننىڭ ايىرباستاۋ بەكەت­تە­رىندە 1 رۋبل 7,9 تەڭگەدەن ساۋدالانىپ جاتىر.