عىلىم جانە جوعارى ءبىلىم ۆيتسە-ءمينيسترى تاعايىندالدى

«قر ۇكىمەتىنىڭ قاۋلىسى بويىنشا, تالعات ءىلياس ۇلى ەشەنقۇلوۆ قازاقستان رەسپۋبليكاسىنىڭ عىلىم جانە جوعارى ءبىلىم ۆيتسە-ءمينيسترى قىزمەتىنە تاعايىندالدى», دەلىنگەن حابارلامادا.

تالعات ەشەنقۇلوۆ 1978 جىلى جامبىل وبلىسىندا تۋعان.

م.ح.دۋلاتي اتىنداعى تاراز مەملەكەتتىك ۋنيۆەرسيتەتىن, قر پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن. مەملەكەتتىك باسقارۋدىڭ ۇلتتىق مەكتەبىندە ماگيستراتۋرادا, قر پرەزيدەنتى جانىنداعى مەملەكەتتىك باسقارۋ اكادەمياسىندا دوكتورانتۋرادا وقىعان. ەڭبەك جولىن 1997 جىلى اعا بۋحگالتەر قىزمەتىنەن باستاعان.

2000-2007 جىلدارى جامبىل وبلىستىق سوتىندا, جامبىل وبلىسىنىڭ ادىلەت باسقارماسىندا جانە ادىلەت دەپارتامەنتىندە جۇمىس ىستەگەن.

2007-2011 جىلدارى قر ءبىلىم جانە عىلىم مينيسترلىگى جامبىل وبلىسىنىڭ بالالاردىڭ قۇقىقتارىن قورعاۋ دەپارتامەنتىن باسقارعان.

2011-2016 جىلدارى قر جوعارعى سوتىنىڭ, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ, قورشاعان ورتانى قورعاۋ مينيسترلىگىنىڭ قۇرىلىمدارىندا جۇمىس ىستەگەن.

2016-2018 جىلدارى – قر بعم ءبىلىم جانە عىلىم سالاسىنداعى باقىلاۋ كوميتەتى توراعاسىنىڭ ورىنباسارى. 

2018 جىلعى ناۋرىزدان قىركۇيەككە دەيىن قر ءبىلىم جانە عىلىم ۆيتسە-ءمينيسترى قىزمەتىن اتقارعان.

2018-2020 جىلدارى – قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ توراعاسى, قر ءبىلىم جانە عىلىم ۆيتسە-ءمينيسترى.

2020 جىلدان 2021 جىلعا دەيىن قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ توراعاسى قىزمەتىن اتقارعان.

2021 جىلعى ماۋسىمنان باستاپ وسى ۋاقىتقا دەيىن «م.ح. دۋلاتي اتىنداعى تاراز وڭىرلىك ۋنيۆەرسيتەتى» كەاق باسقارما توراعاسى – رەكتورى بولىپ جۇمىس ىستەگەن.