پورترەتىن كۇرىشتەن جاساعان

جازۋشىنىڭ بەينەسىن اينىتپاي جاساعان. اينەك­تىڭ استىندا ساقتالعان. جاق­تاۋى – اعاش. 1982 جىلى جازۋشىنىڭ 80 جىلدىعىنا قىزىلوردالىق ءىنى-دوسى ورازعالي ەرەكەشەۆ تارتۋ ەتكەن. «اكەمدەي بولىپ كەتىپ ەدى» دەگەن ەستەلىگىندە («عابيت مۇسىرەپوۆ تۋرالى ەستەلىكتەر», 2004) ول عابەڭمەن العاشقى تا­نىستىعى (1958 ج.), قالام­گەردىڭ ارال وڭىرىنە ساپارى, وسى ساپارىنان كەيىن تەڭىزدىڭ بولاشاعىنا قا­تىس­تى «پراۆدا» گازەتىنە ماقالا جازعانىن اتاپ وتەدى. ال كەيىنىرەك «الپىس ءتورت مىڭ شارشى كيلومەتر جەردى الىپ جاتقان تەڭىز تۇپتەردىڭ تۇبىندە قۇرعاپ قالار بولسا, ودان بورايتىن تۇزدى شاڭ قانشا دۇنيەنى بۇلدىرەتىنىن كىم ءبىلسىن!» («قازاق ادە­بيەتى»,11.09.1981), – دەپ الاڭ­داۋشىلىق تانىتقا­­نىن جازادى. كوپ ادامعا ­سىر اشا بەرمەيتىن عابەڭ وزى­نەن 25 جاس كىشى ورازعالي­دى الماتىعا ۇيىنە قوناق­قا شاقىرىپ, قازاقتىڭ زيا­لى قاۋىمىمەن تانىس­تىرىپ, جاقىن ارالاسىپ كەتەدى. ورازعالي ارالدىڭ جاعاسىنا كيىز ءۇي تىكتىرىپ, عابەڭدى بىرنەشە رەت قوناق قىلادى. ەل ادامدارىمەن تانىستىرىپ, اڭگىمە-دۇكەن قۇرۋىنا جاعداي جاسايدى. الماتىعا شۇبات جەتكىزىپ تۇرادى. وعان 1971 جىلى عابەڭ ءوزى ءمىنىپ جۇرگەن «گاز-69» ماشيناسىن سىيعا تارتادى. جىل سايىن الماتىعا شاقىرىپ, «اۋناپ-قۋناپ دەمالىپ قايت» دەپ, كەلگەن سايىن قارجىلاي كومەك بەرىپ: «...جاقسىلاپ دەمال, تۇرعان جەرىڭ اپات, قاي­بىر دەنساۋلىقتارىڭ مىقتى ەدى سەندەردىڭ», – دەپ قامقورلىق تانىتىپ وتىرعان. و.ەرەكەشوۆ ءسوز زەرگەرىنە دەگەن ءوزىنىڭ ەرەكشە قۇرمەتىنىڭ ءبىر بەلگىسى رەتىندە 80 جىلدىعىنا ارنايى تاپسىرىسپەن كۇرىشتەن پورترەتىن سالعىزىپ, سىيلايدى. بۇل كۇندە پورترەت مۋزەي كەشەنىنىڭ قورىندا ساقتاۋلى.

راشيدا وتاروۆا,

مۋزەي كەشەنىنىڭ عىلىمي قىزمەتكەرى