ىزگى ىستەر ىركىلمەيدى

«جەڭىس» جوباسى اياسىندا 115 ملن تەڭگەدەن استام سوماعا قايىرىمدىلىق كومەك كورسەتىلەدى. بۇل تۋرالى Samruk-Kazyna Trust الەۋمەتتىك جوبالاردى دامىتۋ قورىنىڭ باس ديرەكتورى الفيا اديەۆا مالىمدەدى.

«2022-2023 جىلدارى ۆولونتەرلىك رەيدتەر ۇيىمداستىرىلادى, كومەككە مۇقتاج جالعىزىلىكتى قامكوڭىل قارتتارعا ءدارى-دارمەك, ازىق-ت ۇلىك جانە باسقا دا تۇرمىسقا قاجەتتى زاتتارمەن كومەك بەرۋ جۇيەسى جۇزەگە اسىرىلادى. سونىمەن قاتار تۇرمىستىق تەحنيكاعا, ەستۋ قۇرالدارىنا زارۋلىك ءتارىزدى ەرەكشە قاجەتتىلىكتەرگە دە نازار اۋدارىلادى. جاستار قاريالاردىڭ ءۇي-اۋلالارىن تازالاپ, جوندەپ, شاي ۇستىندە اڭگىمە-دۇكەن قۇرىپ, كوڭىلىن كوتەرەدى, جىلۋ سىيلايدى. قارتتار ۇيىنە دە بارۋ جوسپارلانعان», دەدى ول.

«جەڭىس» الەۋمەتتىك جوباسىن جۇزەگە اسىرۋدى جاۋاپكەرشىلىگىنە الىپ وتىرعان ۇلتتىق ۆولونتەرلەر جەلىسى ۇەۇ جىل سوڭىنا دەيىن كەم دەگەندە 1 400 ارداگەر مەن تىل ەڭبەككەرىن قامتۋدى كوزدەپ وتىر.

«جوبا 35 قالادا ۆولونتەرلىك قوزعا­لىستى ۇيلەستىرۋ ارقىلى بارلىق ەلدى مە­كەندى قامتيدى. كەمىندە 500 ەرىك­تى وسى ىسكە جۇمىلدىرىلادى. جىل سو­ڭىندا جوبا اياسىندا اقكوڭىل نيەتىمەن قاريالارعا كومەك بەرۋ جولىندا تەگىن قىزمەت اتقارعانى ءۇشىن ەرىكتىلەر ىنتالاندىرىلادى. جوبا قوعامدا جاستار مەن بالالاردىڭ بويىندا ۇلكەندەرگە قۇرمەت سەزىمىن قالىپتاستىرىپ, پات­ريوت­تىق تاربيەگە ۇلەس قوسۋعا باعىت­تالعان. ايتا كەتەيىك, قازاقستاندا 387 ۇوس قاتىسۋشى مەن مۇگەدەكتىگى بار ادامدار تۇرادى. 2020-2021 جىلدارى 13 019 ۆولونتەرلىك رەيد جۇرگىزىلدى, وعان 650 ەرىكتى اتسالىستى. ولاردىڭ اياسىندا 3 355 قاريا قامتىلدى», دەدى ا.داۋلەتقاليقىزى.

«جەڭىس» جوباسى بويىنشا رەيدتەر سانى جوسپاردان اسىپ كەتۋى مۇمكىن. ەرىك­تى­لەر قوسىمشا كومەك كورسەتۋگە نيەتتى. اتالعان جوبا مەرەكە كۇندەرى ەمەس, تۇ­راقتى نەگىزدە جۇرگىزىلەدى. بۇل تۋرالى «ۇلتتىق ەرىكتىلەر جەلىسى» قاۋىم­داس­تىعىنىڭ اتقارۋشى ديرەكتورى تاتيانا ميرونيۋك حابارلادى.

ونىڭ ايتۋىنشا, رەيدتەر تەك ارداگەرلەرگە بارىپ, اڭگىمە-دۇكەن قۇ­رۋ­عا عانا ەمەس, ءارتۇرلى ۆولونتەرلىك كومەك كورسەتۋگە دە باعىتتالعان.

«كوپ جاعدايدا ءبىز تۇرمىستىق كومەك كورسەتەمىز, قىستا كومىر مەن وتىن دا­يىندايمىز. وسى جىل ۆولونتەرلەر ءۇشىن ارداگەرلەرىمىز بەن تىل ەڭبەككەرلەرىنە كومەك كورسەتۋگە تاماشا مۇمكىندىك بە­رەدى دەپ ويلايمىن. ءبىز قىمبات ءدارى-دار­مەكپەن, توسەك-ورىنمەن, باسقا دا قاجەت­تىلىكتەرمەن قولداۋعا تىرىسامىز. الەۋمەتتىك وسال توپتار – بۇل 1 400 ادام. جالپى, 5 600 رەيد وتكىزۋ جوسپارلانىپ وتىر, بىراق ودان ارتىق بولادى دەپ ويلايمىن, ويتكەنى ەرىكتىلەر ارداگەرلەرگە قو­سىمشا كەلىپ, كومەكتەسكىسى كەلەدى», دەدى ول.

ايتا كەتەيىك, 2018 جىلى جوبا قا­تى­­سۋ­شىلارىنىڭ ارقاسىندا الماتى وبلىسىندا عانا 2 توننا ءونىم جينالدى. بۇل – وسىنداي كومەكتىڭ ناتيجەسى.