تاريحتا مادەنيەتتىڭ جالپىادامزاتتىق قازىناسىنا ەلەۋلى ۇلەس قوسقان ايەل سۋرەتشىلەر از ەمەس. شىعارماشىل حانىمداردىڭ ءوز قولتاڭباسى ارقىلى الەمگە ايتارى بار. ءا.قاستەەۆ اتىنداعى ونەر مۋزەيىندە «تاڭ-شولپان» حالىقارالىق تاۋەلسىز ايەل سۋرەتشىلەر قورىنىڭ «تولعانىستار» اتتى كورمەسى اشىلدى.
«تاڭ-شولپان» حالىقارالىق تاۋەلسىز ايەل سۋرەتشىلەر قورى قازاقستان مەن الىس-جاقىن شەتەلدەردىڭ كاسىبي شەبەرلەرىن بىرىكتىرگەن بىرەگەي ونەر الاڭى. وعان مۇشە نازىك جاندىلاردىڭ ەسىمدەرى رەسپۋبليكالىق جانە حالىقارالىق كورمەلەردەن بەلگىلى. جوبانىڭ نەگىزىن قالاۋشى – قازاقستان جانە ەۋرازيالىق سۋرەتشىلەر وداعىنىڭ مۇشەسى, سۋرەتشى-كەسكىندەمەشى ءجاميلا تاكەننىڭ ايتۋىنشا, قوردىڭ ماقساتى – سۋرەتشى ايەلدىڭ شىعارماشىلىق الەۋەتىن اشۋ, ونىڭ تۇلعالىق, شىعارماشىلىق جانە رۋحاني وسۋىنە جاعداي جاساۋ. ونەر الاڭىنىڭ اتاۋى دا تاڭنىڭ اتىسىمەن, تاڭعى جۇلدىزبەن, قايتا جاڭعىرۋمەن جانە ايەلدىڭ جاسامپاز قۋاتىمەن بايلانىستىرىلعان.
كورمەدە ۇسىنىلعان شىعارمالاردا قازىرگى ءومىردىڭ شىندىعىن كورسەتەتىن الەۋمەتتىك تاقىرىپتاعى تۇجىرىمدامالىق جۇمىستاردان باسقا, فيلوسوفيالىق ويلار, دەرەكسىز كەسكىندەمە بار. بۇل كوركەم شىعارمالاردا, گوبەلەندەردە جانە كيىزدەن جاسالعان پاننودا بەينەلەنگەن ۇلتتىق تاقىرىپتاردى قۇرايدى. گرافيكا, سونىمەن قاتار اكۆارەل مانەرىمەن ۇسىنىلعان ونەر تۋىندىلارى وي تەرەڭدىگىمەن, ۇيلەسىمدى كولوريستيكالىق كومبيناتسياسىمەن ەرەكشەلەنەدى.
– «تولعانىستار» – تۇجىرىمدامالىق كورمە. قازىر كۇردەلى, گەوساياسي وقيعالار كەزەڭى. ادامدار, اسىرەسە ەلىمىزدەگى قاڭتار وقيعاسىنان جانە ۋكرايناداعى جاعدايدان كەيىن بولاشاققا الاڭداۋشىلىقپەن قاراي باستادى. وكىنىشكە قاراي, كوپبالالى انالار پروبلەماسى, جاستار اراسىندا ءسۋيتسيدتىڭ ءوسۋى جانە ت.ب. جاعدايلار ورىن الۋدا. ءبىز سىرتتاي باقىلاۋشى بولا المايمىز جانە ءوز شىعارمالارىمىزدا بولىپ جاتقان وقيعالاردىڭ ءمانىن جەتكىزۋگە تىرىسامىز, ال جەتكىزە الدىق پا, جوق پا – ونى كورەرمەندەرىمىز باعالايدى... سۋرەتشى – حالىقتىڭ ءۇنى, اينالادا بولىپ جاتقان بارلىق جاعدايعا سەزىمتال. تابيعاتتى, قورشاعان الەمدى نازىك سەزىنەدى. ءبىزدىڭ ۇلى دالا شەكسىز كوكجيەك پەن اشىق اسپاننىڭ كوگىلدىر تۇڭعيىعىمەن ۇشتاسقان بۇل الەم – ءبىز ءومىر سۇرگىمىز, سۇيگىمىز كەلەتىن دۇنيە. ءبىز ءوز شىعارماشىلىعىمىزدى ادامدارعا كورسەتكىمىز كەلەدى, الەمدەگى وركەندەۋ مەن مادەني-رۋحاني جاڭعىرۋدى قولدايمىز, ويتكەنى ءبىزدىڭ قورىمىز «حالىقارالىق» مارتەبەنى بەكەر يەلەنبەگەن. قوردىڭ فەمينيستىك يدەيالارعا ەشقانداي قاتىسى جوق! ءبىزدى ونەرگە دەگەن سۇيىسپەنشىلىك, سۇلۋلىقتى جاساۋعا دەگەن ۇمتىلىس بىرىكتىرەدى. ءبىزدىڭ ارقايسىمىزدىڭ ءوز كوزقاراسىمىز بەن وزىندىك ەرەكشەلىگىمىز بار, بىراق ىنتىماقتاستىق پروتسەسىندە ءبىز ودان دا كوپ نارسەگە قول جەتكىزەمىز, – دەيدى «تاڭ-شولپان» قورىنىڭ جەتەكشىسى, سۋرەتشى ءجاميلا تاكەن.
ءار جاڭا كورمەدە سۋرەتشىلەر تىڭ تۋىندىلار جاساۋعا تىرىسادى. ءار كورمەنىڭ ءوز تاقىرىبى مەن يدەيالاردى جۇزەگە اسىرۋ ۋاقىتى بار. ايتالىق, وسى جىلدىڭ ناۋرىز ايىندا ەلورداداعى ۇلتتىق مۋزەيدە اشىلعان «تىكەنەكتەر ارقىلى...» كورمەسى قازاقستاننىڭ حالىق اقىنى ءماريام حاكىمجانوۆانى ەسكە الۋعا ارنالعان. زاماناۋي الەم تۋرالى وي جۇگىرتە وتىرىپ, قور سۋرەتشىلەرى ەكى پەرفومانس جاسادى. ولاردىڭ تاقىرىپتارى تسيفرلىق تەحنولوگيالار – «QR-سod دالا» جانە گەوساياسي «الاقانداعى اسپان». سۋرەتشىلەر الەمدى تازالىققا, ىزگىلىككە, ۇندەيدى. ولاردىڭ ءبارىن ونەرگە ىڭكار ەتكەن مەيىرىم شۇعىلاسى. كورمەدە كورەرمەندەر ءۇشىن بەينە فورماتتاعى قويىلىمدار دا ۇسىنىلعان. بەلگىلى ونەرتانۋشى ناتاليا باجەنوۆا جەتەكشىلىك ەتەتىن ونەر جارمەڭكەسى قىركۇيەك ايىنىڭ 10-نا دەيىن جالعاسادى.
الماتى