بۇگىن جاڭادان اشىلعان ۇلى دالا كوپىرىندە قوزعالىس باستالدى. بۇل تەز دامىپ كەلە جاتقان مەگاپوليستىڭ كولىك ينفراقۇرىلىمى ءۇشىن ستراتەگيالىق ماڭىزى بار كوپىرلەردىڭ ءبىرى, دەپ حابارلايدى Egemen.kz قالا اكىمدىگىنە سىلتەمە جاساپ .
«كوپىر ەسىل اۋدانىنىڭ داڭعىلدارىن, اتاپ ايتقاندا, ماڭگىلىك ەل داڭعىلى, ا.بايتۇرسىنوۆ, ر. قوشقارباەۆ, ج.ناجىمەدەنوۆ, Nova city اۋدانى, «مىڭجىلدىق» اللەياسىن, «تەلمان», «پرومىشلەننىي» تم-ءىن ايتارلىقتاي جەڭىلدەتۋگە مۇمكىندىك بەرەدى», دەلىنگەن اكىمدىك حابارلاماسىندا.
جاڭا كوپىر جۇكتەمە بويىنشا بارلىق زاماناۋي تالاپتارعا سايكەس كەلەدى, قازىرگى ۋاقىتتا ونىڭ ءجۇرۋ بولىگى اۆتوموبيل قوزعالىسى ءۇشىن اشىق, بىراق كوپىردىڭ ءوزىن جانە تروتۋار بولىگىن اباتتاندىرۋ جۇمىستارى ءالى دە جالعاسۋدا.
ايتا كەتسەك, قالادا تاۋەلسىزدىك داڭعىلىنداعى كوپىردىڭ قۇرىلىسى جالعاسۋدا, ول 2023 جىلى اشىلادى. اتالعان كوپىر تاۋەلسىزدىك داڭعىلى, جاڭا تەمىرجول ۆوكزالىنىڭ اۋدانى, قوشقارباەۆ داڭعىلى, ناجىمەدەنوۆ كوشەسى, حازىرەت سۇلتان مەشىتىنىڭ اۋدانى, بايتۇرسىنوۆ, قورداي, ايناكول, مومىش ۇلى داڭعىلدارىنىڭ سول جاق جاعالاۋىمەن قوسىمشا بايلانىستى قامتاماسىز ەتۋگە مۇمكىندىك بەرەدى.