رەسەيدىڭ نيجني نوۆگورود وبلىسىندا ون ادام ساڭىراۋقۇلاقتان ۋلانىپ قالدى, دەپ حابارلايدى Egemen.kz.
بۇل تۋرالى وسى وبلىستىڭ دەنساۋلىق ساقتاۋ ءمينيسترى داۆيد مەليك-گۋسەينوۆ Telegram-ارناسىندا مالىمدەدى.
ولاردىڭ بارلىعى دا ينتوكسيكاتسيا بەلگىلەرىمەن اۋرۋحاناعا جاتقىزىلدى. ولاردىڭ اراسىندا بالا دا بار.
«ساڭىراۋقۇلاقپەن ۋلانۋ بەلگىلەرى ءتورت ادامدا انىق بايقالادى. ءبىر ادامنىڭ جاعدايى ورتاشا اۋىرلىقتا», دەلىنگەن حابارلامادا.
وقيعا ورنىندا جانساقتاۋ ءبولىمىنىڭ بريگاداسى مەن وبلىستىڭ باس توكسيكولوگى جۇمىس ىستەپ جاتىر. اۋرۋحاناعا تۇسكەندەردىڭ بارلىعى «قولشاتىر» ساڭىراۋقۇلاقتارىن جەگەنى بەلگىلى بولدى.