بالالارعا ارنالعان ويىنشىقتاردى تاڭداۋ كەزىندەگى اتا-انالاردىڭ بىلىكتىلىگىن انىقتاۋ ماڭىزدى. وسى رەتتە الماتى وبلىسى سانيتاريالىق-ەپيدەميولوگيالىق باقىلاۋ دەپارتامەنتىنىڭ ماماندارى تالدىقورعان قالاسىنىڭ تۇرعىندارى اراسىندا ويىنشىقتاردىڭ قاۋىپسىزدىگىنە قويىلاتىن تالاپتاردى ءبىلۋ بويىنشا ساۋالداما جۇرگىزدى.
دۇكەندە ويىنشىقتاردىڭ قاۋىپسىزدىگىن راستايتىن قۇجاتتاردى سۇرايسىز با؟ ماماندار وسى سۇراقتى ماڭىزعا الدى. ساۋالداماعا بارلىعى 40 رەسپوندەنت قاتىستى. ونىڭ قورىتىندىسى بويىنشا تۇتىنۋشىلاردىڭ 89%-ى ويىنشىقتاردى تاڭبالاۋعا نازار اۋدارمايتىنى بەلگىلى بولدى.
ء«سىز ويىنشىق ساتىپ العاندا الدىمەن نەگە نازار اۋداراسىز؟» دەگەن سۇراققا 72,5% تۇرعىن – تاۋار ساپاسىنا, 26,5% – ءوندىرىس ەلىنە, 42% – باعاسىنا جانە رەسپوندەنتتەردىڭ تەك 11%-ى تاۋاردىڭ تاڭبالانۋىنا نازار اۋداراتىنىن ايتتى. سونىمەن قاتار رەسپوندەنتتەردىڭ 73%-ى باعا – ويىنشىقتاردى ساتىپ الۋ كەزىندە شەشىم قابىلداۋعا اسەر ەتەتىن ماڭىزدى فاكت ەكەنىنى اتاپ ءوتتى.
ء«سىز ويىنشىق ساتىپ العان كەزدە ويىنشىقتىڭ تاڭباسىنداعى اقپاراتتى وقيسىز با؟» دەگەن سۇراققا رەسپوندەنتتەردىڭ تەك 47%-ى ء«يا» دەپ جاۋاپ بەردى.
سونداي-اق تۇتىنۋشىلاردىڭ 75%-ى ساتۋشىلاردان ويىنشىقتاردىڭ قاۋىپسىزدىك تالاپتارىنا سايكەستىگىن راستايتىن قۇجاتتاردى سۇرامايتىنى بەلگىلى بولدى. تيىسىنشە, سۇرالعانداردىڭ 53%-ى كەدەن وداعىنىڭ «ويىنشىقتاردىڭ قاۋىپسىزدىگى تۋرالى» تەحنيكالىق رەگلامەنتىن بىلمەيدى.
ايتا كەتەيىك, ساۋالداما جۇرگىزىلگەننەن كەيىن تۇرعىندارعا ويىنشىقتاردى تاڭبالاۋعا قويىلاتىن تالاپتاردى تۇسىندىرەتىن پاراقشالار تابىس ەتىلدى. ويتكەنى بۇل – بالالارىڭىزعا باقىتتى جانە قاۋىپسىز بالالىق شاقتى قامتاماسىز ەتەتىن ەڭ قۇندى اقپارات.
جەتىسۋ وبلىسى