ماڭعىستاۋ وبلىسىنىڭ تۇرعىنى ءۇيىنىڭ اۋلاسىندا ەسىرتكى وسىرگەن, دەپ حابارلايدى Egemen.kz
23 شىلدەدە وبلىستىق پد-نىڭ قىزمەتكەرلەرى «قاراسورا – 2022» جەدەل-پروفيلاكتيكالىق ءىس-شاراسىن جۇرگىزۋ كەزىندە بەينەۋ اۋدانىنىڭ 48 جاستاعى تۇرعىنىنىڭ ءۇي اۋلاسىنان كوكونىستەرمەن بىرگە ءوسىپ تۇرعان ەسىرتكىگە ۇقساس 27 ءشوپ تەكتەس وسىمدىك جانە اۆتوكولىك گاراجىنىڭ ىشىنەن كەپتىرىلگەن ەسىرتكىگە ۇقساس 10 ءشوپ تەكتەس وسىمدىك, سونىمەن قاتار اۋلاداعى مونشانىڭ ىشىنەن ءبىر ەسىرتكى قولدانۋعا ارنالعان كەسىلگەن بوتەلكە, ەكى قاعازعا ورالعان وتكىر ءيىستى ماريحۋانا ەسىرتكىسىنە ۇقساس زاتتى تاركىلەپ الدى.
اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قك-ءنىڭ 300-بابى 1-بولىگىمەن تىركەلدى. تەرگەپ-تەكسەرۋ جالعاسۋدا.