قايرات بەكەنوۆ اتىراۋ وبلىسى اكىمىنىڭ ورىنباسارى قىزمەتىنەن كەتتى, دەپ حابارلايدى Egemen.kz.
بەكەنوۆ قايرات اسكەربەك ۇلى قىزمەتىنەن ءوز ەركىمەن جۇمىستان كەتتى.
قايرات بەكەنوۆ 1978 جىلى 31 قازاندا دۇنيەگە كەلگەن, قازاق مەملەكەتتىك باسقارۋ اكادەمياسىن («ەكونوميست» ماماندىعى بويىنشا), قۇقىق جانە نارىق اكادەمياسىن («زاڭگەر» ماماندىعى بويىنشا), قر پرەزيدەنتى جانىنداعى مەملەكەتتىك باسقارۋ اكادەمياسىن («مەملەكەتتىك جانە جەرگىلىكتى باسقارۋ ماگيسترى») بىتىرگەن.
ءار جىلدارى الماتىنىڭ سالىق ينسپەكتورى, قر قارجى مينيسترلىگىنىڭ ۇكىمەتتىك قارىزداردى تارتۋ دەپارتامەنتى باسقارماسىنىڭ باستىعى, قر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ باس ينسپەكتورى بولىپ جۇمىس ىستەدى.
سونداي-اق قايرات بەكەنوۆ نۇر-سۇلتان قالاسى سارىارقا اۋدانى اكىمىنىڭ ورىنباسارى, قىزىلوردا قالاسى اكىمىنىڭ ورىنباسارى, سولتۇستىك قازاقستان وبلىسى اكىمىنىڭ ورىنباسارى, «اقتوبە» اكك» ۇك» اق باسقارما توراعاسى, اقتوبە وبلىسى اكىمىنىڭ ورىنباسارى قىزمەتتەرىن اتقاردى.