جاپونياعا جىلقى ەتىن ەكسپورتتايتىن كاسىپورىندار كوبەيدى

«قازاقستاننىڭ اۋىل شارۋاشىلىعى مينيسترلىگى مەن جاپونيانىڭ اۋىل, ورمان جانە بالىق شارۋاشىلىعى مينيسترلىگى اراسىنداعى ەكىجاقتى بەلسەندى ىنتىماقتاستىقتىڭ ناتيجەسىندە ءتيىستى كەلىسىم جاسالدى. وسى ورايدا جاپونياعا جىلقى ەتىن ەكسپورتتاۋعا قۇقىعى بار كاسىپورىنداردىڭ تىزىمىنە تاعى 9 قازاقستاندىق ەت وڭدەۋ كاسىپورنى ەنگىزىلدى», دەلىنگەن مينيسترلىك مالىمەتىندە.

ولاردىڭ اراسىندا «Kaindy» جشس (الماتى وبلىسى), «ASEM-ZHETYSU» جشس (الماتى وبلىسى), «Meat processing Complex Bizhan» جشس (اقمولا وبلىسى), «Asyl-Asyl» (اتىراۋ قالاسى), «Kuanysh» جك (اتىراۋ قالاسى), «Birlestic» شق (قاراعاندى وبلىسى), «EURASIA INVEST LTD» جشس (قاراعاندى وبلىسى), «ARAY KZ»» جشس (قاراعاندى وبلىسى), «BEEF EXPORT GROUP» جشس (قوستاناي وبلىسى) قامتىلىپ وتىر.

«بۇعان دەيىن اتالعان تىزىمگە 34 قازاقستاندىق كاسىپورىن ەنگىزىلگەن بولاتىن. وسىلايشا, بۇگىنگى تاڭدا جالپى 43 وتاندىق ەت وڭدەۋ كومپانياسى ءوز ونىمدەرىن جاپونيا اۋماعىنا ەكسپورتتاي الادى», دەپ اتالىپ وتكەن ۆەدومستۆو حابارلاماسىندا.