اقتاۋ قالاسى يۋۆەنالدى پوليتسياسىنىڭ كامەلەتكە تولماعاندار ءىسى جونىندەگى ۋچاسكەلىك ينسپەكتورىن پىشاقتاپ كەتكەن كۇدىكتى قولعا ءتۇستى, دەپ حابارلايدى Egemen.kz.
2 تامىز كۇنى ساعات 03:50 شاماسىندا وبلىستىق اۋرۋحاناعا مويىن تۇسىنا العان جاراقاتپەن پوليتسيا قىزمەتكەرى جەتكىزىلدى. ول سول جەردە ەسىن جيماستان كوز جۇمدى.
«ۋچاسكەلىك پوليتسەي جانساقتاۋ بولىمىندە ەسىن جيماستان قايتىس بولدى. قازىر بۇل ىسكە كۇدىكتى – 27 جاستاعى ازامات ۇستالدى. تەرگەۋ امالدارى ءجۇرىپ جاتىر. سوت-مەديتسينالىق ساراپتاما تاعايىندالدى», دەلىنگەن ماڭعىستاۋ وبلىستىق پوليتسيا دەپارتامەنتىنىڭ حابارلاماسىندا.
كوز جۇمعان پوليتسەي 26 جاستا ەدى, ماڭعىستاۋ وبلىسىندا تۋعان. ۇيلەنگەن, 3 بالاسى بار. قايعىلى وقيعا كەزىندە پوليتسيا قىزمەتكەرى ەڭبەك دەمالىسىندا بولعان.