بيىل مەملەكەتتىك كوميسسيا شەشىمىمەن مەديتسينالىق ماماندىقتار بويىنشا ءبىلىم العان 4,1 مىڭ تۇلەكتىڭ 2,9 مىڭى دارىگەرلەر مەن ورتا مەديتسينا قىزمەتكەرلەرى تاپشى ايماقتارعا قىزمەت ەتۋگە ءبولىندى.
مەديتسينالىق جوعارى وقۋ ورىندارىن بىتىرگەن 4 137 تۇلەكتىڭ 2 981-ءى وڭىرلەرگە ءبولىندى. ونىڭ ىشىندە باكالاۆريات – 116, ينتەرناتۋرا – 2 644, رەزيدەنتۋرا – 1 153, ماگيستراتۋرا – 90, دوكتورانتۋرا – 134. ال مەملەكەتتىك ءبىلىم بەرۋ تاپسىرىسى اياسىندا مەديتسينالىق ماماندىقتار بويىنشا 2022 جىلى وقۋىن اياقتاعان 1 156 تۇلەك ء«بىلىم تۋرالى» زاڭنىڭ 17-2 تارماعىنا سايكەس مەملەكەت ەسەبىنەن تەگىن وقۋ اقىسىن ەڭبەكپەن وتەۋ مىندەتتەمەسىنەن بوساتىلدى (ولاردىڭ قاتارىنا مۇگەدەكتىگى بار جاندار, رەزيدەنتۋرا, ماگيستراتۋرا, دوكتورانتۋرادا وقۋىن جالعاستىرۋشىلار, جۇكتى ايەلدەر نەمەسە ءۇش جاسقا دەيىن بالاسى بار نەمەسە بالاسىن جالعىز ءوزى تاربيەلەپ وتىرعاندار, ت.ب. جاتادى).
«ايتا كەتەرلىك جايت, جەرگىلىكتى اكىمدىكتەر وڭىرلەرگە كادر تارتۋ ءارى ىنتالاندىرۋ ماقساتىندا اۋىلدىق جەرگە ەڭبەك ەتۋگە كەلگەن جاس ماماندارعا 100 اەك كولەمىندە كوتەرمەلەۋ قارجىسىن تولەۋدى قاراستىرادى جانە 1 500 اەك كولەمىندە ءۇي الۋعا نەمەسە ءۇي قۇرىلىسىنا بيۋدجەتتىك كرەديت ۇسىنادى. سونداي-اق بىرقاتار وڭىردە رەسپۋبليكالىق نە جەرگىلىكتى بيۋدجەت قاراجاتى ەسەبىنەن, مەديتسينالىق ۇيىمداردىڭ بيۋدجەتتەن تىس قارجىسى ەسەبىنەن ءۇي الۋعا بيۋدجەتتىك كرەديت بەرۋ سەكىلدى قوسىمشا الەۋمەتتىك قولداۋ شارالارى قاراستىرىلعان», دەلىنگەن دەنساۋلىق ساقتاۋ مينيسترلىگى تاراتقان اقپاراتتا.
سونىمەن قاتار جىل سايىن مەديتسينا ماماندىقتارىنا مەملەكەتتىك ءبىلىم بەرۋ تاپسىرىس كولەمى ۇلعايىپ كەلەدى. 2022 جىلى شامامەن 4 700 گرانت ءبولىندى. ونىڭ ىشىندە باكالاۆر پەن ينتەرندەرگە – 2 700 ورىن, رەزيدەنتتەرگە – 1 500 ورىن, ماگيسترانتتارعا – 325 ورىن, دوكتورانتتارعا 160 ورىن بولىنگەن.