بۇل فوتوسۋرەت گەوگراف, بوتانيك, ەتنوگراف, توم مەملەكەتتىك ۋنيۆەرسيتەتىنىڭ پروفەسسورى (سىبىردە قۇرىلعان العاشقى جوعارى وقۋ ورنى), وڭتۇستىك ءسىبىر ولكەسىن زەرتتەۋگە ەلەۋلى ۇلەس قوسقان ۆ.ۆ.ساپوجنيكوۆتىڭ (1861-1924) فوتوسۋرەتتەر جيناعىنان الىنىپتى.
ول بۇل فوتوسۋرەتتەردى 1895-1899 جىلدارى تاۋلى التايعا جاساعان ەكسپەديتسيالارى كەزىندە ءتۇسىرىپ, كەيىن بارناۋلداعى التاي مەملەكەتتىك ولكەتانۋ مۇراجايىنا بەرگەن. زەرتتەۋشى 1904 جىلى مۇراجايعا جاساعان ەكسپەديتسيالارىنىڭ فوتو جيناعى مەن سوعان بايلانىستى ماتەريالدارىن اتالعان مۋزەيگە تابىستاعان. ءاربىر فوتوسۋرەتكە ساپوجنيكوۆ جازعان گەوگرافيالىق انىقتاماسى بار اننوتاتسيا قوسا بەرىلگەن. توپتاما وڭتۇستىك ءسىبىر ايماعىنىڭ ءارتۇرلى گەوگرافيالىق نىساندارىن قامتيتىن كۇردەلى جانە اسەرلى كورىنىستەرىمەن ەرەكشەلەنەدى. كوپتەگەن فوتوسۋرەتتە ساپوجنيكوۆ پەن باسقا ەكسپەديتسيا مۇشەلەرىنىڭ قيىن ساتتەرمەن كۇرەسىپ, وزەندەردىڭ سۋى تاسىعان شاقتاعى كەزدەسكەن قيىندىقتاردى جەڭگەنىن بايقاۋعا بولادى. فوتوسۋرەت يەسىنىڭ عىلىمي قىزمەتى 1898 جىلى ول قىزمەت اتقارعان ورىس گەوگرافيالىق قوعامىمەن تىعىز بايلانىستى. اتالعان كوللەكتسيا التاي مەملەكەتتىك ولكەتانۋ مۇراجايىندا ساقتاۋلى. بۇل جادىگەر سۋرەتتەر 2000 جىلداردىڭ باسىندا «شەكارالار كەزدەسۋى» تسيفرلىق كىتاپحانا جوباسى ءۇشىن تسيفرلاندىرىلىپتى.