قىرعىز رەسپۋبليكاسىنىڭ اۋرۋلاردىڭ الدىن الۋ جانە مەملەكەتتىك سانيتارلىق-ەپيدەميولوگيالىق قاداعالاۋ دەپارتامەنتى 2 تامىزداعى جاعداي بويىنشا تويحانادا ۋلانعاندار سانى 108 ادامعا جەتكەنىن حابارلادى, دەپ جازادى Egemen.kz كابار اگەنتتىگىنە سىلتەمە جاساپ.
وقيعا باتكەن وبلىسى قادامجاي اۋدانىنداعى «الماز» تويحاناسىندا بولعان.
اقپاراتقا سايكەس, تاماقتان ۋلانىپ قالعان 23 ادام اۋرۋحاناعا جاتقىزىلدى, ونىڭ ەكەۋى بالا. ءوز كەزەگىندە 85 ادام امبۋلاتورلىق ەم الۋدا, سونىڭ ىشىندە 1 بالا بار.
«ۋلانعانداردىڭ جاعدايى قاناعاتتانارلىق, بۇرىن جانساقتاۋ بولىمىندە جاتقان 2 بالانىڭ جاعدايى جاقسارىپ, جۇقپالى اۋرۋلار بولىمىنە اۋىستىرىلدى», دەلىنگەن حابارلامادا.