اۋىل مەكتەپتەرىنە قولداۋ

سەمەيلىكتەرمەن كەزدەسكەن اتالعان ۇيىمنىڭ وكىلى بۇگىنگە دەيىن قور 5 قازاقستاندىق بالاعا قۇنى ملرد تەڭگە بولاتىن «زولگەنسما» ينەكتسيا­سىن الۋعا جاردەمدەسكەنىن جەتكىزدى. دەنساۋلىق ساقتاۋ سالاسىنان باسقا بۇل ۇيىم ءبىلىم بەرۋ سالاسىندا دا قولداۋ كورسەتۋگە ءازىر.

«قازاقستان حالقىنا» قورى مەملەكەت باسشىسى قاسىم-جومارت توقاەۆتىڭ باستاماسىمەن قۇرىلعانى بارشاعا ءمالىم. ونىڭ قىزمەتتى ەكى باعىتقا ارنالعان. اتاپ ايتقاندا, اتاۋ­لى كومەك كورسەتۋ جانە دامۋ باعدارلامالارىن ىسكە اسىرۋ. وبلىستاعى كوپتەگەن ءىرى كاسىپورىن مەن ىسكەر ازاماتتار بۇل باستامانى بىردەن قولداپ, قورعا قوماقتى قارا­جات اۋدار­عا­نىن ايتا كەتكەن ورىندى», دەدى اباي وبلىسى اكىمىنىڭ ورىنباسارى ايدىن كارىموۆ.

ونىڭ ايتۋىنشا, قازىر جەرگىلىكتى اتقارۋشى ورگاندار وسى باعىتتا جۇمىس جۇر­گىزىپ كەلەدى. قازىرگى باس­تى مىندەت – قورمەن ءوزارا ءىس-قي­مىل­دىڭ ورتاق نۇكتەسىن تاۋىپ, ازاماتتاردىڭ ءومىر ءسۇرۋ ساپاسىن جاقسارتۋعا بايلانىستى ۇسىنىستاردى جەتكىزۋ.

ل.شىڭعىسباەۆا قورعا مىڭداعان ءوتىنىش كەلىپ تۇسە­تىنىن جانە باسىم بولىگى دەن­ساۋلىق ساقتاۋ سالاسىنا قاتىس­تى ەكەنىن ايتتى.

«بىزگە كەلىپ تۇسكەن 40 مىڭ ءوتىنىشتىڭ باسىم بولىگى دەنساۋلىق ساقتاۋ سالاسىنا قاتىستى. البەتتە, بۇل ءبىزدى الاڭداتپاي قويمايدى. وسى كۇنگە دەيىن دامىل تاپپاي قىزمەت ەتىپ كەلەمىز. ويتكەنى قورعا ۇلكەن ءۇمىت ارتىلىپ وتىر. ارينە بۇل جەتكىلىكسىز جانە ءار ءوڭىردىڭ وزىندىك ەرەكشەلىگىن ەسكەرۋ كەرەك. سوندىقتان قور­دان قانداي كومەك قاجەت ەكەنىن تالقىلاۋ قاجەت», دەدى «قازاقستان حال­قىنا» قورى باسقارما تورعا­سىنىڭ ورىنباسارى.

بۇدان بولەك «قازاقستان حالقىنا» قورىنا ستۋدەنتتەر مەن تالاپكەرلەردىڭ اتا-انالارىنان 1,5 مىڭ ءوتىنىش كەلىپ ءتۇسىپتى. ونىڭ باسىم بولىگىندە جاستاردىڭ وقۋمەن قاتار جۇمىستى بىرگە الىپ جۇرگەنى ايتىلىپ, پاندەميانىڭ سال­دا­رىنان ستۋدەنتتەردىڭ كوپ­شىلىگى وقۋ اقىسىن تولەي الماي, تاعى ءبىرى اۋرۋدىڭ كەسىرىنەن اكادەميالىق دەمالىس الۋعا ءماجبۇر بولعانى جازىلعان. سوعان سايكەس جاس ازاماتتار كەم دەگەندە سوڭعى وقۋ جىلىنىڭ اقىسىن تولەپ بەرۋگە قولداۋ سۇراعان.

«قازاقستاندا 120 جوعارى وقۋ ورنى بار. ونىڭ 75-ىنە مەملەكەتتىك گرانت بە­رى­لەدى. ولار­مەن كونفەرەنتسيا وتكىزىپ, كەلىسىمشارتقا وتىرۋ كوزدە­لۋدە. ءار وقۋ ورىنعا شاكىر­تاقىمەن 3 گرانت بو­لەمىز», دەدى قوردىڭ وكىلى.

قوردىڭ ءبىلىم گرانتتارىن يەلەنۋ ءۇشىن ۇمىتكەرلەر اۋىل­دىق جەردەن, سول سەكىلدى ءوزىنىڭ نەمەسە اتا-اناسىنىڭ مۇگەدەكتىك مارتەبەسى جانە الەۋمەتتىك از قامتىلعان وتبا­سىدان بولۋى شارت. سەمەيدە بۇل جوباعا Alikhan Bokeikhan University, شاكارىم اتىنداعى ۋنيۆەرسيتەت جانە سەمەي مە­ديتسينالىق ۋنيۆەرسيتەتى قاتى­سىپ, ولارعا 3 گرانتتان تا­عايىن­دالدى.

اباي وبلىسىنداعى اۋىل مەكتەپتەرى دە اتالعان قوردىڭ دامىتۋ جوسپارىنا ەنگىزىلىپ, 17 ءبىلىم بەرۋ ۇيىمىنىڭ وقۋ كابينەتتەرى زاماناۋي قۇرال-جابدىقتارمەن جاراقتالادى.

اباي وبلىسى