تاراز قالاسىنداعى وبلىستىق تاريحي-ولكەتانۋ مۋزەيىندە كەلۋشىلەر تاراپىنان قىزىعۋشىلىق تۋدىراتىن جادىگەرلەر از ەمەس. ولاردىڭ قاتارىندا قىشتان جاسالعان وسسۋاري دەپ اتالاتىن كيىز ءۇي پىشىندەس جادىگەر دە بار. مۋزەيگە كەلۋشىلەر جۇمباعى مول وسسۋاري تۋرالى كوبىرەك بىلۋگە قۇشتار.
دەرەكتەرگە سەنسەك, وسسۋاري 1950 جىلى سول كەزدەگى جامبىل قالاسىنداعى زورواستريالىق زيراتتان تابىلعان ەكەن. قىشتان جاسالعان ىدىس ءتارىزدى جادىگەردىڭ وزىنە ءتان سىرى دا جوق ەمەس. اشىلىپ جابىلاتىن قاقپاقتىڭ تۇتقاسى قازبا جۇمىستارى كەزىندە شورت سىنعان بولۋى مۇمكىن. ال قاقپاقتىڭ استىنداعى قاپتامانىڭ بەتىندە تاقتا ورنالاسقان. جادىگەردىڭ قابىرعاسىندا كولدەنەڭىنەن ورنالاسقان ەكى ادامنىڭ بەينەسى بار ەكەن.
«مۋزەيگە كەلۋشىلەردى بىرنەشە جادىگەر قاتتى قىزىقتىرادى. ولاردىڭ قاتارىندا وسى وسسۋاري دە بار. جۇرت كوبىنەسە مۇنىڭ قايدان تابىلعانىن, تاريحىن سۇراپ جاتادى. ماماندار قىشتان جاسالعان بۇل جادىگەردىڭ تاريحىن VI-VIII عاسىرلارمەن ساباقتاستىرىپ جاتادى. مۇنىڭ ىشىندە ادام سۇيەكتەرى بار», دەيدى اتالعان مۋزەيدىڭ قىزمەتكەرى ۇلجان وماروۆا جادىگەر تاريحى جايلى پىكىرىن ءبىلدىرىپ.
جامبىل وبلىسى