گران-ءپريدى قانجىعاعا بوكتەردى

بۇل جارىسقا دۇنيە ءجۇزىنىڭ 72 ەلى­نەن 3 مىڭنان ارتىق ونەر ۇجىم­­دارى قا­تىسىپ, 22-31 شىلدە ارالىعىندا ونەر كور­سەتكەن. كەشە جارىس اياقتال­دى, ال بۇ­گىن ۇزدىك ۇجىمداردىڭ كونتسەر­تى بولا­دى. قازاقستان­دىق­تار­دىڭ جەڭى­سىن بۇكىل ەلىمىز ­قۋا­نىش­پەن اتاپ وتۋدە. ال سول­­­تۇس­­­تىكقازاقستاندىقتاردىڭ قۋا-­­­­­نى­­شىندا ءتىپتى شەك جوق. وب­لىس اكىمى ­­­قۇمار اقساقالوۆ ءوزىنىڭ «ينستاگرام­داعى پا­راق­شاسىندا بىلاي دەپ جازدى: ء«بىز­­دىڭ ۇجىمىمىز فينال­دىق ونەر كور­سەتۋلەردە اقش, يرلانديا, اۋسترا­ليا, وار, تايلاند, كانادا, گەر­­ما­­نيا سياقتى اتاقتى ەلدەردەن كەلگەن بار­لىق ۇجىمدى ارتقا تاستاپ, باس بايگەنى جەڭىپ الدى. بۇل – بارشا قازاقستان ءۇشىن ۇلكەن تابىس. مەن ونەر ۇجىمىنىڭ ءاربىر مۇشەسىن جانە ولاردىڭ كوركەمدىك جەتەكشىسى ولگا روستوۆششيكوۆانى ۇلكەن جەڭىسىمەن قۇت­­تىقتايمىن. بۇل – سىزدەردىڭ كوپ جىل­عى توككەن اششى تەرلەرىڭىزدىڭ, تال­ماعان ەڭبەكتەرىڭىزدىڭ, ونەرگە دەگەن وشپەس ماحابباتتارىڭىزدىڭ  جەمىسى.  ەلىمىزدىڭ ءاربىر تۇرعىنى سىزدەرمەن ماقتانادى!»  

دۇنيەجۇزىلىك چەمپيونات­­قا ۇجىم­دى وبلىستىق مادە­نيەت باسقارماسى­نىڭ باستىعى دوس­بول ءابدىرايىسوۆ­ باستاپ باردى. ولگا روستوۆششيكوۆا جەتەكشىلىك ەتەتىن بۇل ۇجىم بيىل مىسىرداعى وسىنداي فەس­تيۆالعا قاتىسىپ, حو­رەوگرافيا اتا­لىمى بويىنشا جەڭىمپاز بولىپ ورالعان. ۇجىم مۇشەلەرى – ەستۋ قابى­لەتتەرى تومەن جاندار. ولار العاش پەتروپاۆلداعى ەستۋ قابىلەتى تومەن وقۋشىلاردىڭ ينتەرناتىندا ۇيىم­داسقان. ۇجىم مۇشەلەرى مەكتەپ بى­تىر­گەن سوڭ جەرگىلىكتى بيلىك ولار­دى تاراتپاۋ ءۇشىن ءتۇرلى ۇجىمنىڭ جا­نىنا قوسقان. بىراق ءبارى دە ورتاق قازاننان اقشا بولۋگە جاراماي, اقىرى س.مۇقانوۆ اتىنداعى قازاق سازدى دراما تەاترىنان پانا تاپقان ەدى.

ءبىرجان جالعاسباەۆ باسقا­­راتىن دار­قان پەيىلدى ورتادا «سەزىمتال» ۇلكەن تا­بىستارعا دا جەتۋدە. ال قۇلاعى كەمىس, سوي­لەي المايتىن جان­دارعا بي ۇيرەتۋدەگى ولگا روستوۆ­ششي­كوۆا­نىڭ ەڭبەگى ايرىق­شا. ول ءوزىنىڭ شاكىرتتەرىنە ءبيدىڭ ەلە­مەنت­تەرىن ىممەن كورسەتىپ, ءتۇسىندىرىپ وتى­رادى.

پەتروپاۆل