كورەيا كينەماتوگرافيستەرى كەلدى

ش.ايمانوۆا اتىنداعى «قازاق­فيلم» اق پرەزيدەنتى اقان ساتاەۆ كورەيا كينەماتوگرافياسىن ۇلگى ەتەتىنىن اتاپ ءوتتى. ء«بىزدىڭ وتاندىق فيلمدەرiمiز كورەي كينوفەستيۆالدارىنا بەلسەندى قاتىسادى. كينويندۋستريادا الدىڭعى قاتارلى ەلدەردىڭ تاجىريبەسىنە سۇيەنۋ زور ناتيجەگە جەتكىزەدى. سوندىقتان ەكى ەلدىڭ دوستىق قارىم-قاتىناسىن دامىتا وتىرىپ, بiرلەسكەن جوبالاردى قولعا الۋعا ءاردايىم اشىق ءارى دايىنبىز», – دەدى ا.ساتاەۆ.

ءوز كەزەگىندە Big ocean entertainment كينوكومپانياسىنىڭ وكىلى كورەيانىڭ قازاقستانمەن كينويندۋستريا سالاسىندا ىنتىماقتاستىققا مۇددەلى ەكەنىن ءبىلدىردى.

«كۇزدە ءبىز قازاقستاندا كونفەرەنتسيا وتكىزۋدى جوسپارلاپ وتىرمىز. كينويندۋستريانىڭ تانىمال وكىلدەرىن شاقىرىپ, بiزدiڭ كينويندۋس­تريامىزدى جاقىنىراق تانىستىر­ساق دەيمىز. سونداي-اق قازاقستاندىق تاجىريبەنى زەرتتەۋ دە بiز ءۇشىن ما­ڭىزدى. وندىرىستە تاجىريبە الماسۋ مۇمكىندىگىن قاراستىرامىز. بىزگە قا­زاقستانداعى اۋديتوريا اۋقىمىن جان­داندىرۋ جوسپارى وتە قىزىقتى. سونىمەن قاتار وسى ەلدە قازاقستاندىق اكتەرلەرمەن كورەي ءفيلمىنىڭ رەمەيكاسىن ءتۇسىرۋدى ۇسىنامىز», – دەدى Big ocean entertainment كورەي كينو­كومپانياسىنىڭ باسقارما توراعاسى حۆان دونگ سوب.

كەزدەسۋ بارىسىندا «قازاقفيلم» قىزمەتكەرلەرى شەتەلدىك كينو مامان­دارىنا پاۆيلونداردى ارالاتىپ, اني­ماتسيالىق كەشەندى كورسەتتى. دول­بي-زالى مەن شوۋ-ريلگە ەكسكۋرسيا ۇيىم­داستىردى. سونىمەن قاتار جاڭا فور­ماتتاعى «مەديا جانە كينو مەكتەبىنىڭ» جۇمىسىمەن تانىستىردى.

«ۇلتتىق كينونى قولداۋ مەملەكەتتىك ورتالىعى» كەاق باسقارما توراعاسى ەسەتجان قوسۋباەۆ قازاقستاندا سەريال­دار ءوندىرىسى جاقسى دامىپ كەلە جاتقانىن جەتكىزدى.

«بۇگىنگى تاڭدا وتاندىق سەريالدار ءوندىرىسى قارقىندى دامىپ كەلەدى. ءبىزدىڭ رەجيسسەرلەرىمىز بۇل باعىتتا بەلسەندى جۇمىس ىستەۋدى ۇيرەنۋ ۇستىندە. سوڭعى جىلدارى كورەي سەريالدارى جوعارى رەيتينگتەرگە يە بولعانى بەلگىلى. ەلىمىز وندىرىلەتىن ءونىمنىڭ ساپاسىن جاقسارتۋعا جانە ۇزدىك ناتيجەلەرگە قول جەتكىزۋگە ۇمتىلادى», – دەدى ە.قوسۋباەۆ.

كەزدەسۋدى قورىتىندىلاي كەلە, تاراپتار ءوزارا ءتيىمدى قارىم-قاتىناستاردى نىعايتۋعا نيەت ءبىلدىردى.

الماتى