ەكسپورتقا باعىتتالعان كاسىپورىن جىل سايىن 30 مىڭ توننا رەاگەنتتەر مەن قوسپالار جاساپ شىعارۋعا مۇمكىندىك بەرەدى. بۇگىن ابىلقايىر سقاقوۆ پاۆلودار قالاسىنىڭ ارنايى ەكونوميكالىق ايماعىنا بارىپ, كتج-ءى نىسانىنىڭ قۇرىلىسىنىڭ بارىسىمەن تانىستى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
«قازمۇنايحيم» جشس-ءىڭ جاڭا زاۋىتى قازاقستاندا مۇناي-حيميا ونىمدەرىن تولىق تسيكلمەن وندىرەتىن العاشقى زاۋىت. ونىڭ قۋاتتىلىعى - جىلىنا 30 مىڭ تونناعا رەاگەنت پەن قوسپالاردى قۇرايدى. وسىلايشا, زاۋىت ەلىمىزدىڭ مۇناي ءوندىرۋشى جانە مۇناي وڭدەۋشى كاسىپورىندارىن 60%-عا قامتاماسىز ەتىپ, ءوز ءونىمىن تمد, ەۋروپالىق وداق, تاياۋ شىعىس جانە اقش ەلدەرىنە جەتكىزەدى.
«زاۋىت ءۇش كەزەڭ بويىنشا جۇزەگە اسىرىلادى. ينۆەستيتسيالاردىڭ جالپى كولەمى - 2,5 ملرد تەڭگە. قازىرگى كەزدىڭ وزىندە 30 تۇراقتى جۇمىس ورىندارى قۇرىلدى. زاۋىت ديرەكتورى ا. كەنجەباەۆتىڭ ايتۋىنشا, 2022 جىلدىڭ ءتورتىنشى توقسانىندا كۇردەلى مۇناي-حيميا ونىمدەرىن جاساۋعا مۇمكىندىك بەرەتىن جوعارى تەمپەراتۋرالى سينتەز قوندىرعىسىنىڭ قۇرىلىسىن باستاۋ جوسپارلانىپ وتىر», دەلىنگەن حابارلامادا.
وبلىس اكىمى وتاندىق كاسىپكەرلەر جۇزەگە اسىرعان جوبانىڭ ماڭىزدىلىعىن اتاپ ءوتتى.
«پاۆلودار وبلىسىندا جۇزەگە اسىرىلىپ جاتقان تەحنولوگيالىق ۇدەرىس زاماناۋي الەمدىك ەكونوميكانىڭ جاعدايىنداعى جىلدام شەشىم ءارى نارىقتىڭ سۇرانىسىنا جاۋاپ بەرەدى. كاسىپورىن مەملەكەت, بيزنەس جانە عىلىمنىڭ ءوزارا ارەكەتتەستىگىن ءىس جۇزىندە كورسەتىپ وتىر. بۇل وسىنداي جوبالاردىڭ جيىنتىعىن جۇزەگە اسىرۋ ارقىلى تەرەڭ زەرتتەۋلەر جۇرگىزۋگە بولاتىنىن كورسەتەدى», دەدى ابىلقايىر سقاقوۆ.
«پاۆلودار» اەا اۋماعىندا 18 كاسىپورىن جۇمىس ىستەيدى. قازىر مۇندا شىعارىندىلاردى جانە شايىندى سۋلاردى ازايتۋ ءۇشىن تازالاۋ قوندىرعىلارىن قۇرۋ جۇمىستارى ءجۇرىپ جاتىر.
سونداي-اق ايماق باسشىسى وسى جوبانى جۇزەگە اسىرۋ بارىسىمەن تانىستى. قازىرگى كەزدە بيولوگيالىق رەزەرۆۋاردى ورناتۋ جۇمىستارى اياقتالىپ, نەگىزگى كورپۋستىڭ عيماراتىنىڭ قۇرىلىسى ءجۇرىپ جاتىر. ابىلقايىر سقاقوۆ اەا-ىڭ ينفراقۇرىلىمىن دامىتۋ جانە وعان ارى قاراي قىزمەت كورسەتۋ بويىنشا بىرقاتار تاپسىرما بەردى.