پەتروپاۆلدا بيىل جوسپار بويىنشا 119 نىسان مۇگەدەكتىگى بار ادامدارعا وڭتايلاندىرىلماق. ونىڭ جارتىسىنا جۋىعى - مەملەكەتتىك مەكەمەلەر, دەپ حابارلايدى Egemen.kz.
سقو-نىڭ قوعامدىق كەڭەسىندە مۇمكىندىگى شەكتەۋلى ادامدارعا الەۋمەتتىك نىسانداردىڭ قولجەتىمدىلىگىن ارتتىرۋ بويىنشا اتقارىلىپ جاتقان جۇمىس جايىندا ەسەپ بەرىلدى. پەتروپاۆل قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمى باسشىسىنىڭ ورىنباسارى يۋليا ءبىرجانوۆانىڭ ايتۋىنشا, 2021-2025 جىلداردى قامتيتىن جوسپار بار. قۇجات بويىنشا وسى ارالىقتا 544 الەۋمەتتىك ينفراقۇرىلىم نىسانى ەرەكشە قاجەتتىلىگى بار ادامدار ءۇشىن وڭتايلاندىرىلۋى كەرەك.
«بىلتىر 102 نىسان مۇگەدەكتىگى بار ادامدار ءۇشىن بەيىمدەلدى. بيىل 119 نىساندا وسىنداي جۇمىستار جۇرگىزىلۋى ءتيىس. ونىڭ 64-ءى – مەملەكەتتىك مەكەمەلەر. سونىڭ ىشىندە 53-ءى – ءبىلىم بەرۋ, 6-ۋى – مادەنيەت جانە سپورت نىسانى, 4 – اۋماقتىق مەملەكەتتىك مەكەمە جانە بىرەۋى دەنساۋلىق ساقتاۋ نىسانى. جۇمىس قىركۇيەك ايىنا دەيىن اياقتالۋى ءتيىس. قازىرگى ۋاقىتتا نىسانداردىڭ 24-ءى بەيىمدەلدى», دەيدى يۋ.ءبىرجانوۆا.
ماماننىڭ ايتۋىنشا, تەك ءبىلىم نىساندارىن مۇگەدەكتىگى بار ادامدارعا ىڭعايلى ەتۋدىڭ وزىنە 37 ملن تەڭگە كەرەك.
«پەتروپاۆلداعى الەۋمەتتىك ماڭىزى بار ۇيىمداردىڭ ەرەكشە قاجەتتىلىگى بار ادامدار ءۇشىن قولجەتىمدى بولۋى ۇنەمى ءتيىستى ورگانداردىڭ باقىلاۋىندا. ماسەلە پەتروپاۆل قالاسى اكىمدىگىنىڭ جانىنداعى مۇمكىندىگى شەكتەۋلى ادامداردىڭ ءىسى بويىنشا ۇيلەستىرۋ كەڭەسىنىڭ وتىرىستارىندا دا كوتەرىلىپ كەلەدى. جىل باسىنان مونيتورينگتىك توپتار 31 نىساندى ارالاپ, انىقتالعان سايكەسسىزدىكتەر بويىنشا ۇسىنىم بەردى, ءتۇسىندىرۋ جۇمىسىن جۇرگىزدى», دەدى ول.