اباي وبلىسىنىڭ تۇرعىندارى ورماندا سەرۋەندەي الماۋى مۇمكىن. وبلىس اكىمى نۇرلان ۇرانحاەۆتىڭ ءتيىستى قاۋلىسى اشىق تالقىعا شىعارىلدى, دەپ حابارلايدى Egemen.kz.
«ورماندا ءورت قاۋپى جوعارى كەزەڭدەردە جەكە تۇلعالاردىڭ اباي وبلىسىنىڭ مەملەكەتتىك ورمان قورى اۋماعىنا بارۋىنا تىيىم سالىنسىن. بۇل باعىتتا حالىق اراسىندا ءتۇسىندىرۋ جۇمىسى جۇرگىزىلسىن. سونداي-اق ورمان اۋماعىنا كىرەتىن جەرلەر شلاگباۋممەن جابدىقتالىپ, اۋماقتىڭ پەريمەترى بويىنشا تاۋلىك بويى پاترۋل ۇيىمداستىرىلسىن», دەلىنگەن قاۋلىدا.
قۇجاتقا سايكەس, مۇنداي شارا وبلىس اۋماعىنداعى ورمان القاپتارىندا ءورت وقيعالارىنىڭ الدىن الۋ ماقساتىندا قابىلدانىپ وتىر.