«قازاقستان حالقىنا» قورى باعدارلاماسىنا قاتىساتىن جوعارعى وقۋ ورىندارى مەن قايىرىمدىلىق ۇيىمدارى ءتىزىمىن جاريالادى, دەپ حابارلايدى Egemen.kz قور سايتىنا سىلتەمە جاساپ.
قايىرىمدىلىق باعدارلاماسىنا جوعارى ءبىلىم بەرۋ باعدارلامالارىن ىسكە اسىراتىن 75 ءبىلىم بەرۋ ۇيىمى مەن ءبىلىم بەرۋ سالاسىنداعى 2 قايىرىمدىلىق ۇيىم قاتىسادى.
جوعارى ءبىلىم بەرۋ ۇيىمدارى وتكىزەتىن كونكۋرستاردىڭ قورىتىندىلارى بويىنشا ءبىلىم بەرۋ گرانتتارى مەن شاكىرتاقىلاردى بەرۋ ءۇشىن باعدارلاما قاتىسۋشىلارىن ىرىكتەۋ كريتەريلەرى مىناداي:
ۇبت-دان وتكەن جانە ونىڭ ناتيجەلەرى بويىنشا جوو-عا ءتۇسۋ ءۇشىن قاجەتتى ءوتۋ بالىن جيناعان تالاپكەرلەردەن:
- اۋىلدىق جەرلەردەگى از قامتىلعان وتباسىلاردان شىققان تۇلعالار;
- جەتىمدەرگە جاتاتىن جانە كامەلەتكە تولعانعا دەيىن اتا-اناسىنىڭ قامقورلىعىنسىز قالعان تۇلعالار;
- مۇمكىندىگى شەكتەۋلى, ونىڭ ىشىندە مۇگەدەكتىگى بار تۇلعالار.
باكالاۆريات باعدارلامالارى بويىنشا كۇندىزگى بولىمدە وقيتىن ستۋدەنتتەردەن:
- مۇمكىندىگى شەكتەۋلى, ونىڭ ىشىندە مۇگەدەك تۇلعالار; جەتىمدەرگە جاتاتىن جانە كامەلەتكە تولعانعا دەيىن اتا-اناسىنىڭ قامقورلىعىنسىز قالعان تۇلعالار;
- اۋىلدىق جەرلەردەگى از قامتىلعان وتباسىلاردان شىققان تۇلعالار;مۇگەدەك بالالاردى تاربيەلەپ وتىرعان تولىق ەمەس وتباسىلاردان شىققان تۇلعالار;
- اتا-اناسىنىڭ بىرەۋى نەمەسە ەكەۋى دە مۇگەدەك تۇلعالار.