بۇگىن كەشكە قازاقستانعا رەسمي ساپارمەن گرۋزيا ۇكىمەتىنىڭ باسشىسى يراكلي گاريباشۆيلي كەلدى, دەپ حابارلايدى Egemen.kz primeminister.kz سايتىنا سىلتەمە جاساپ
نۇر-سۇلتان قالاسىنىڭ اۋەجايىندا ي. گاريباشۆيليدى قر پرەمەر-ءمينيسترىنىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆ قارسى الدى.
«ەكى كۇندىك ساپار اياسىندا گرۋزيا ۇكىمەتىنىڭ باسشىسى قازاقستان باسشىلىعىمەن كەلىسسوزدەر وتكىزۋدى جوسپارلاپ وتىر. تاراپتار ەكى جاقتى ساۋدا-ەكونوميكالىق ىنتىماقتاستىقتى تەرەڭدەتۋ ماسەلەلەرىن تالقىلايدى.
سونىمەن قاتار گرۋزيا پرەمەر-ءمينيسترى «استانا» حالىقارالىق قارجى ورتالىعىنىڭ جۇمىسىمەن تانىسادى», دەلىنگەن حابارلامادا.