پوليتسيا نۇر-سۇلتان قالاسىنىڭ اكىمدىگىندە توبەلەس شىعارعان ايەلدەردىڭ ءىسى تىركەلگەنىن حابارلادى, دەپ جازادى Egemen.kz.
«پوليتسياعا 25 شىلدە كۇنى ساعات 11:12 كەزىندە بەيبىتشىلىك كوشەسىندە ورنالاسقان اكىمدىك عيماراتىنا بەيتانىس ايەلدەر كەلىپ, قوعامدىق ءتارتىپتى بۇزىپ, ەر ادامدى ساباعانى تۋرالى حابارلاما كەلىپ ءتۇستى», دەلىنگەن دەپارتامەنت حابارلاماسىندا.
وقيعادان كەيىن ەكى جاق ءبىر-ءبىرىنىڭ ۇستىنەن پوليتسياعا ارىزدانعانى انىقتالدى.
«كيكىلجىڭگە قاتىسۋشىلاردىڭ ەكى تاراپتان دا ءبىر-بىرىنە شارا قولدانۋ كەرەكتىگى تۋرالى ارىز ءتۇستى. بۇل فاكتى «سارىارقا» اۋداندىق پوليتسيا باسقارماسىندا تىركەلدى. سوت-مەديتسينالىق ساراپتاما تاعايىندالدى. سونىڭ قورىتىندىسى بويىنشا قولدانىستاعى زاڭناما اياسىندا شارالار قابىلدانادى», دەلىنگەن حابارلامادا.