جاپونيادا ساكۋرادزيما جانارتاۋى اتقىلاپ, كيۋسيۋ ارالىندا قاۋىپتىڭ بەسىنشى دەڭگەيى جاريالاندى, دەپ حابارلايدى Egemen.kz Kyodo News اگەنتتىگىنە سىلتەمە جاساپ.
ساكۋرادزيمانىڭ العاشقى اتقىلاۋى جەكسەنبى كۇنى كەشكە بولدى. سالدارىنان جانارتاۋ جىنىستارى مەن كۇل كراتەردەن 2,5 كم راديۋسقا دەيىن شاشىراعان.
جانارتاۋ ماڭىنداعى قاۋىپ دەڭگەيى بەس بالدىق شكالا بويىنشا ماكسيمۋمعا دەيىن كوتەرىلدى, بىراق ساراپشىلار قازىرگى ۋاقىتتا اۋقىمدى اتقىلاۋ قاۋپى جوق دەپ ەسەپتەيدى. توتەنشە جاعدايعا بايلانىستى اقپارات جيناۋ ءۇشىن جاپونيا پرەمەر-ءمينيسترىنىڭ كەڭسەسىندە جەدەل شتاب قۇرىلىپ, كاگوسيما بيلىگى 100-گە جۋىق ادام تۇراتىن جانارتاۋعا ىرگەلەس ەكى ايماقتى جارتىلاي ەۆاكۋاتسيالاۋ تۋرالى حابارلادى.
زارداپ شەككەندەر تۋرالى مالىمەت جوق, جانارتاۋدىڭ اينالاسىن مەتەورولوگيالىق دەپارتامەنت ماماندارى تەكسەرىپ جاتىر.