2022 جىلدىڭ 6 ايى ىشىندە ەلىمىزدە 51 مىڭنان استام اۆتوتەحنيكا شىعارىلدى, دەپ حابارلايدى Egemen.kz ساۋدا جانە ينتەگراتسيا مينيسترلىگىنىڭ ءباسپاسوز قىزمەتىنە سىلتەمە جاساپ.
اۆتوموبيل, تىركەمە مەن جارتىلاي تىركەمەلەر ءوندىرىسى 30,6%-عا ارتتى. ماشينا جاساۋداعى سالا ۇلەسى 37,5%-عا ءوستى.
2022 جىلدىڭ ءبىرىنشى جارتىجىلدىعىندا وزبەكستان, رەسەي, بەلارۋس جانە قىرعىزستانعا ەكسپورت 23%-عا ارتىپ, 4 557 اۆتوموبيلگە دەيىن وسكەن. جالپى سوماسى 53,9 ملرد تەڭگەدەن استى.
بيىل 13 شىلدەدە باعدارلاماعا قاتىسۋشى بانكتەر 90 ملرد تەڭگە سوماسىنا 11 825 ءوتىنىمدى ماقۇلدادى. ماقۇلدانعان وتىنىمدەر بويىنشا قازىردىڭ وزىندە 7 852 اۆتوموبيل شىعارىلدى.
ايتا كەتسەك, قازاقستانداعى ەڭ تانىمال برەندتەردىڭ بەستىگىنە Chevrolet, Hyundai, Kia, Lada جانە JAC اۆتوكولىكتەرى كىرەدى.