الماتى وبلىسىنىڭ سالىق ورگانى قىزمەتكەرلەرى قۇنى 527,3 ملن تەڭگە بولاتىن كونتراباندالىق تەمەكى ءونىمىن انىقتاعان. بۇل تۋرالى مەملەكەتتىك كىرىستەر كوميتەتىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
ءباسپاسوز قىزمەتىنىڭ مالىمتتەرىنە قاراعاندا, قاسكەلەڭ قالاسى, الماتى-بىشكەك تراسساسىنىڭ 29 شاقىرىمىندا ورنالاسقان «كريستالل» قوناق ءۇي-تۇراق كەشەنىنىڭ اۋماعىندا 925 مىڭ قوراپ زاڭسىز تەمەكى ءونىمى انىقتالعان.
اكتسيزدىك ماركاسى جوق كونتراباندالىق تەمەكى ءونىمى تەكسەرۋگە الماتى وبلىسى بويىنشا مەملەكەتتىك كىرىستەر دەپارتامەنتىنىڭ جانە الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى قاتىستى.
تەكسەرۋ ناتيجەسى بويىنشا بارلىق ماتەريالدار قر قىلمىستىق كودەكسىنىڭ 233-بابى بويىنشا بۇزۋشىلىق بەلگىلەرىمەن الماتى وبلىسى بويىنشا ەكونوميكالىق تەرگەۋ دەپارتامەنتىنە بەرىلدى. تولەنبەگەن اكتسيز شىعىن سوماسى 227,6 ملن. تەڭگەنى قۇرايدى, تەمەكىنىڭ جالپى قۇنى 527,3 ملن تەڭگەنى قۇرادى.
«قىلمىستىق كودەكستىڭ 233-بابىنىڭ 1-بولىگىنە سايكەس مەملەكەتكە شىعىن كەلتىرگەن اكتسيزدەلەتiن تاۋارلاردى سايكەستەندىرۋ قۇرالدارىمەن جانە (نەمەسە) ەسەپكە الۋ-باقىلاۋ ماركالارىمەن تاڭبالاۋدىڭ ءتارتiبi مەن قاعيدالارىن بۇزۋ – مۇلكى تاركىلەنىپ نەمەسە ونسىز, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءۇش جىلعا دەيىنگى مەرزىمگە ايىرۋ جازاسىن قاراستىرادى. نەمەسە ءبىر مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالىنىپ نە سول مولشەردە تۇزەۋ جۇمىستارىنا نە ءتورت ءجۇز ساعاتقا دەيىنگى مەرزىمگە قوعامدىق جۇمىستارعا تارتىلادى. سونداي-اق ءبىر جىلعا دەيiنگi مەرزiمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋ جازاسى تاعايىندالۋى مۇمكىن», دەلىنگەن حابارلامادا.