باقىلاۋ-كاسسا باعدارلاماسىن جاڭارتۋ قاجەت

2022 جىلى دەرەكتەردى تىركەۋ جانە (نەمەسە) بەرۋ فۋنكتسياسى بار باقىلاۋ-كاسسا ماشينالارىن قولدانۋ تارتىبىنە (سالىق كودەكسىنىڭ 166-بابىنا) وزگەرىستەر مەن تولىقتىرۋلار ەنگىزىلگەن.

وسىعان بايلانىستى, «باقىلاۋ-كاسسا ماشينالارىن قولدانۋ ماسەلەلەرى بويىنشا» جۇمىس توبى شەڭبەرىندە باقىلاۋ-كاسسا ماشينالارىنىڭ ازىرلەۋشىلەرىمەن جانە فيسكالدىق دەرەكتەر وپەراتورلارىمەن بىرلەسىپ, باقىلاۋ-كاسسا ماشينالارىمەن اقشالاي ەسەپ ايىرىسۋلار تۋرالى مالىمەتتەردى بەرۋ بويىنشا وپەراتوردىڭ سەرۆەرىنە دەرەكتەردى بەرۋدىڭ بىرىڭعاي حاتتاماسى جاڭارتىلدى جانە بەكىتىلدى.

وسى نەگىزدە مودەلدەرى باقىلاۋ-كاسسا ماشينالارىنىڭ مەملەكەتتىك تىزىلىمىنە ەنگىزىلگەن, دەرەكتەردى تىركەۋ جانە (نەمەسە) بەرۋ فۋنكتسياسى بار باقىلاۋ-كاسسا ماشينالارىن قولداناتىن بارلىق كاسىپكەرلەرگە 2022 جىلعى 15 قىركۇيەككە دەيىنگى مەرزىمدە وزدەرىنىڭ جۇمىس ىستەپ تۇرعان باقىلاۋ-كاسسا ماشينالارىن قايتا باعدارلامالاۋ قاجەت.

نازار اۋداراتىن دۇنيە, 15 قىر­كۇيەك­تەن باستاپ 2.0.2-تەن باسقا حاتتا­مالارعا فيسكالدىق دەرەكتەر وپەراتورلارى قولداۋ كورسەتپەيدى. وسىعان بايلانىستى بارلىعىنا باقىلاۋ-كاسسا ماشينالارىن 2.0.2 حاتتاما نۇسقاسىنا دەيىن الدىن الا جاڭارتۋعا كەڭەس بەرە­مىز, دەيدى اتالعان كوميتەت وكىلدەرى.

سالىق كودەكسىنىڭ 171-بابىنا سايكەس تاۋارلاردى وتكىزۋ, جۇمىستاردى ورىنداۋ, قىزمەتتەردى كورسەتۋ كەزىندە جۇزەگە اسىرىلاتىن اقشالاي ەسەپ ايىرىسۋلار تۋرالى دەرەكتەردى تىركەۋ جانە (نەمەسە) بەرۋ فۋنكتسياسى بار باقىلاۋ-كاسسا ماشينالارىنىڭ مالىمەتتەرىن قابىلداۋ, ساقتاۋ بويىنشا قىزمەتتەر كورسەتۋدى, سونداي-اق ولاردى سالىق ورگاندارىنا بەرۋدى فيسكالدىق دەرەكتەر وپەراتورى جۇرگىزەدى.

«باقىلاۋ-كاسسا ماشينالارىن قولدانۋدىڭ كەيبىر ماسەلەلەرى تۋرالى» قارجى ءمينيسترىنىڭ بۇيرىعىنا سايكەس باقىلاۋ-كاسسا ماشينالارى فيسكالدىق دەرەكتەر وپەراتورىنىڭ سەرۆەرىنە مەملەكەتتىك كىرىستەر ورگاندارىنا اقشالاي ەسەپ ايىرىسۋلار تۋرالى مالىمەتتەردى بەرۋدى قامتاماسىز ەتەتىن تەحنيكالىق تالاپتارعا جانە سايكەستىك نىسانىنا, باقىلاۋ-كاسسا ماشينالارىنىڭ تەحنيكالىق تالاپتارىنا سايكەس اقشالاي ەسەپ ايىرىسۋلار تۋرالى مالىمەتتەردى بەرەدى.