شىمكەنت قالاسى ءال-فارابي اۋداندىق سوتىنىڭ 15 شىلدەدەگى ۇكىمىمەن قاڭتار ايىندا ەلدە ورىن العان جاپپاي تارتىپسىزدىككە قاتىسقان 3 ادام باس بوستاندىعىنان ايىرىلدى, دەپ حابارلايدى Egemen.kz.
ايىپتالۋشىلار قر قك-ءنىڭ 272-بابىنىڭ 2,3-بولىكتەرىنە سايكەس كىنالى دەپ تانىلدى. تەكسەرۋ بارىسىندا ولاردىڭ پوليتسيا باسقارمالارىنىڭ عيماراتتارىن ورتەۋ, باسىپ الۋ, جاپپاي تارتىپسىزدىككە قاتىسۋشىلاردى شابىتتاندىرۋ, ادامداردى قارۋلاندىرۋ, قارجىلاندىرۋ, ارنايى تەحنيكالاردىڭ جۇرۋىنە كەدەرگى جاساۋ ءۇشىن جۇك كولىكتەرىمەن ءىرى جانە مايدا تاستاردى توگۋ تۋرالى ۇيالى بايلانىس ارقىلى سويلەسكەندىكتەرى انىقتالدى.
«كۇدىكتىلەردىڭ 2021 جىلى قر قك-ءنىڭ 405-بابىندا (ەكسترەميستىك قىلمىستاردى) قاراستىرىلعان قىلمىستاردى جاساعانى, پروباتسيالىق باقىلاۋدىڭ ەسەبىندە تۇرعانى, الدىن جاساعان قىلمىستارىنان ناتيجە شىعارماعاندارى بەلگىلى بولدى», دەلىنگەن قالالىق پد حابارلاماسىندا.
ايتا كەتسەك, قاڭتار ايىنىڭ 5-نەن 6-نا قاراعان ءتۇنى شىمكەنت قالاسى اكىمشىلىك عيماراتىنىڭ الدىندا جاپپاي تارتىپسىزدىك ۇيىمداستىرىلعان ەدى. ۇيىمداستىرۋشىلار نازارباەۆ داڭعىلىنىڭ بويىندا «رۋپور» دىبىس كۇشەيتكىش قۇرالىن پايدالانىپ, ادامداردى تارتىپسىزدىككە شاقىرعان.