داۋىس بەرۋ قورىتىندىسى بويىنشا كونسەرۆاتيۆتى پارتيانىڭ باسقارۋشى كوميتەتىنىڭ باسشىسى گرەم برەيدي قارجى مينيسترلىگىنىڭ ەكس-باسشىسى ريشي سۋناك تاعى دا ەڭ كوپ داۋىس جيناعانىن حابارلادى, دەپ جازادى Egemen.kz.
وسىلايشا, ءتورتىنشى تۋرعا سۋناك (115 داۋىس), حالىقارالىق ساۋدا ءمينيسترىنىڭ ورىنباسارى پەنني موردونت (82 داۋىس), سىرتقى ىستەر ءمينيسترى ليز تراسس (71 داۋىس) جانە ايەلدەر ىستەرى جانە تەڭدىك ءمينيسترىنىڭ بۇرىنعى ورىنباسارى كەمي بادەنوك (58 داۋىس) ءوتتى.
سايلاۋعا بارلىعى 11 پارلامەنتشى ءوز كانديداتۋرالارىن ۇسىنعان ەدى, ولاردىڭ جەتەۋى وتكەن كەزەڭدەردە ءسۇرىندى.
2019 جىلى پرەمەر-مينيستر بولعان بوريس دجونسون 7 شىلدەدە ۇلىبريتانيانىڭ پرەمەر-ءمينيسترى جانە كونسەرۆاتيۆتى پارتياسىنىڭ باسشىسى قىزمەتىنەن كەتەتىنىن مالىمدەدى. ول مينيسترلەر كابينەتىنىڭ جاڭا باسشىسىن تاعايىنداعانعا دەيىن مىندەتتەرىن جالعاستىرادى.