العى شەپتە – اق جەلەڭدىلەر

ويتكەنى «باسى اۋىرىپ, بالتىر سىزدايتىن» ادامداردىڭ دەنى وڭىرلەردە تۇرادى. ءارى ورتا­لىققا قاراعاندا مەديتسينا قىز­مەتىنىڭ ساپاسى دا الىس اۋىل­داردا سىن كوتەرمەيتىنى بەلگىلى. بىراق بۇل ماسەلە بۇگىندە تو­لىق­تاي شەشىمىن تاپتى دەۋگە نە­گىز بار. ماسەلەن, بيىل ال­ما­تى وبلىسىندا دەنساۋلىق ساقتاۋ سالاسىنىڭ ماتەريالدىق-تەح­ني­كالىق بازاسىن نىعايتۋعا 4,4 ملرد تەڭگەدەن اسا قارجى بولىنگەن. سونىڭ ناتيجەسىندە مەدي­تسينا مەكەمەلەرىنىڭ جابدىق­تال­ۋى 91 پايىزعا جەتىپ وتىر. يگى ءىس مۇنىمەن توقتاماسى انىق. بيىل قو­سىمشا تاعى 106 بىرلىك ار­نايى جاب­دىقتار ساتىپ الۋ جوس­پار­لانىپتى.

– مەملەكەت باسشىسىنىڭ ال­دى­­مىزعا قويعان مىندەتتەرىنە ساي­كەس اۋرۋدىڭ الدىن الۋعا, مە­دي­­تسينالىق قىزمەتتىڭ قولجەتىمدى ءارى ساپالى بولۋىن قامتاماسىز ەتۋگە بار جاعداي جاسالىپ كە­لە­دى. عيماراتتار جاڭارتىلىپ, ماتەريالدىق-تەحنيكالىق بازا نىعايتىلدى. جىلدان جىلعا وسى سالاعا بولىنەتىن قارجى كو­لە­مى دە ارتىپ كەلەدى. بيىل بۇل كورسەتكىش 4,4 ملرد تەڭگەدەن استى. دەنساۋلىق ساقتاۋ ۇيىمدارىن قاجەتتى ماماندارمەن قامتۋعا دا زور كوڭىل بولىنەدى. وبلىستاعى مەديتسينا مەكەمەلەرىنە سوڭعى ءۇش جىلدا 354 دارىگەر جۇمىسقا قابىلداندى. قاجەتتى قۇرال-جابدىقتارمەن, ءدارى-دارمەكپەن تولىق كولەمدە قامتۋ جانە دارىگەرلەر بىلىك­تى­لى­گىنىڭ ارقا­سىن­دا ىندەتتىڭ بەتى قاي­تىپ, بار­لىق سالا قالىپتى ومىرگە ورال­دى, – دەيدى تاقىرىپقا وراي ال­ما­تى وبلىسىنىڭ اكىمى مارات سۇلتانعازيەۆ.

جالپى, ەلىمىزدىڭ دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان مەم­لە­كەتتىك باعدارلاماسى وڭتايلى جۇزەگە اسىپ وتىرعان اۋداننىڭ كوش باسىندا ىلە اۋدانى تۇر دەۋگە بولادى. بيىل اۋداننىڭ مە­ديتسينا سالاسىن مەملەكەتتىك قولداۋ باعىتىندا قوماقتى ءىس جاسالدى. ياعني ماتەريالدىق-تەحنيكالىق بازانى نىعايتۋ ءۇشىن 3,8 ملن تەڭگەگە مەديتسينالىق جابدىقتار جانە 991 ملن تەڭگەگە ءدارى-دارمەك ساتىپ الىنعان. سونداي-اق ورتالىق اۋرۋحاناعا وبلىستىق دەنساۋلىق ساقتاۋ باسقارماسىنىڭ قولداۋىمەن جاڭادان 5 جەدەل-جاردەم كولىگى اكەلىنگەن ەكەن. بۇدان بولەك اۋدان اۋماعىندا كاسىبىن دوڭگەلەتىپ وتىرعان كاسىپكەرلەر دە دەمەۋشىلىك جاساپ, اۋداندىق اۋرۋحاناعا 3 بىر­دەي جەدەل جاردەم كولىگىن سىي­لاپتى.

وسى ىلە اۋدانىنا قاراستى بورالداي كەنتىندەگى اۋداندىق اۋرۋحانا دا دەنساۋلىق كۇزەتىندە قاپىسىز قىزمەت ەتىپ وتىرعان ۇجىمدار قاتارىندا. اۋدان ورتا­لى­عى وتەگەن باتىر كەن­تىن­دەگى ورتالىق اۋرۋحانادان كەيىنگى اۋداندىق اۋرۋحانا مارتەبەسىن يەلەنگەن بۇل مەكەمە بورالداي كەنتى, ۆودنيك, كازتسيك, كوم­سو­مول, چاپاي, مەجدۋرەچەنسك اۋىلدارىنىڭ تۇرعىندارىنا مە­ديتسينالىق قىزمەت كورسەتەدى. مۇندا ستاتسيونار ءبولىمى, كۇندىزگى ستاتسيونار ءبولىمى, قابىلداۋ ءبولىمى, ونكولوگ-ماممولوگ, ەندوكرينولوگ, ستوماتولوگ, حيرۋرگ, گينەكولوگ, نەۆروپاتولوگ, رەنتگەنولوگ, وكۋليست, ۋدز كابينەتى, پسيحولوگ, الەۋمەتتىك قىزمەتتەر ماماندارى, ۋچاسكەلىك جالپى تاجىريبەلىك دارىگەرلەر ءبولىمى جۇمىس ىستەيدى. ايتپاقشى, وسى بورالداي كەن­تىندەگى اۋداندىق اۋرۋحاناعا قاراستى كازتسيك اۋى­لىنىڭ دارى­گەر­لىك امبۋلاتو­ريا­­سى بيىل وبلىس بويىن­شا «ۇزدىك دارىگەرلىك امبۋلا­تو­ريا» رەتىن­دە انىقتالىپ, بولىم­شە­نىڭ مەڭگەرۋشىسى تولقىن ساداق­با­ە­ۆا­عا ارنايى ديپلوم جانە 1 ملن 800 مىڭ تەڭگەنىن سەرتي­فيكاتى تاپسىرىلعان ەدى.

الماتى وبلىسى