استاناداعى ساۋدا ورىندارىندا مەرەكەلىك جەڭىلدىكتەر ۇسىنىلادى

استانا. 30 ءساۋىر. استانادا بىرقاتار سۋپەرماركەتتەر مەن ساۋدا, ويىن-ساۋىق ورتالىقتارىندا 1 مامىر مەرەكەسىنە بايلانىستى جەڭىلدىكتەر جاسالادى. بۇل تۋرالى astana.gov.kz سايتى حابارلادى.

ەلوردامىزداعى حالىق ءجيى باس سۇعاتىن «ازيا پارك», «كەرۋەن», «سارىارقا», «حان شاتىر» جانە «مەگا استانا» ساۋدا, ويىن-ساۋىق ورتالىقتارىندا ءبىرشاما جەڭىلدىكتەر قاراستىرىلىپ, اكتسيالار ۇيىمداستىرىلماق. ال وسى اتالعان ورىنداردا راديو ارقىلى كۇنى بويى كەلۋشىلەرگە قۇتتىقتاۋ سوزدەر ايتىلادى. «سارىارقا» ورتالىعىندا «قازاقستان تۇلعالارى» اتتى فوتوكورمە كوپشىلىك نازارىنا ۇسىنىلادى. سونداي-اق, «مەترو كەش ەند كەري» جانە «تۇلپار» ساۋدا ورتالىقتارىنا كەلگەن تۇتىنۋشىلاردى مەرەكەلىك كيىم كيگەن قىزدار قارسى الادى. «انۆارعا» باس سۇققان ادامدار ءتۇرلى تاعامداردى تومەندەتىلگەن باعامەن ساتىپ الادى. سول سياقتى, «راحمەت» ساۋدا ورنىندا قايىرىمدىلىق كورمەسى وتسە, ال «اپرەل», «Green» ساۋدا جەلىسى جانە «Green Mart» گيپەرماركەتىندە اكتسيالار مەن مەرەكەلىك جەڭىلدىكتەردەن باسقا كۋپوندار, ديسكونتتىق كارتالار تاراتىلادى. سونىمەن قاتار, مۇنداي شارالاردان «الەم», «ەۋرازيا», «ورتالىق بازار», «ەتالون», «قامقور استانا», «كوكتال», «موسكۆا» جاۋاپكەرشىلىگى شەكتەۋلى سەرىكتەستىگى مەن «سپۋتنيك» سۋپەرماركەتى دە تىس قالمايدى. تاعى ءبىر ەرەكشە توقتالا كەتەر ءجايت, «استىقجان» ساۋدا ورتالىعى» جاۋاپكەرشىلىگى شەكتەۋلى سەرىكتەستىگىندە مەرەكەلىك كوڭىل-كۇي ءبىر ايعا سوزىلادى دەپ كۇتىلۋدە. بۇدان بولەك, مۇندا مامىردىڭ سوڭىندا ءاربىر زەينەتكەر ءۇشىن بارلىق تاۋارلارعا 5 پايىزدىق جەڭىلدىكتەر ۇسىنىلادى جانە وسى ايدىڭ ءار سەنبىسىندە «دەمالىس سەنبىسى» اكتسياسى وتكىزىلمەك. جولدىباي بازار. دەرەككوز: astana.gov.kz. فوتو: wikicity.kz.