تسيفرلى شەشىمدەردىڭ كۇندەلىكتى ومىرىمىزگە دەندەپ ەنۋىنە بايلانىستى كيبەرقاۋىپسىزدىك تە العى شەپكە شىقتى. اقشامىز دا, قۇجاتىمىز دا, دەرەگىمىز دە تسيفرلانعان, سوعان ساي ولاردىڭ قاۋىپسىزدىگىن ساقتاۋ دا ماڭىزدى ماسەلەگە اينالدى. كيبەرقاۋىپسىزدىككە استە بەيجاي قاراۋعا بولمايدى.
ەندى ينتەرنەت الاياقتاردى كۇندەلىكتى ءوزىمىز قىزمەتىن تۇتىنىپ جۇرگەن ەلەكتروندى ۇكىمەت پورتالى ارقىلى اڭدۋعا, انىقتاۋعا بولاتىن مۇمكىندىك تۋدى.
جىل سايىن قازاقستاندا مىڭنان استام اقپاراتتىق جۇيەلەر, ونىڭ ىشىندە مەملەكەتتىك ورگانداردىڭ جۇيەلەرى حاكەرلىك شابۋىلدارعا ۇشىرايدى ەكەن. ەندى قانداي دەرەكتەر حاكەرلەر مەن الاياقتاردىڭ قولىندا ەكەنى جايلى eGov Mobile ءموبيلدى قوسىمشاسىنىڭ كومەگىمەن قاداعالاۋعا بولادى.
«قازىرگى ۋاقىتتا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتىمەن, «زەردە» حولدينگى جانە «ۇلتتىق اقپاراتتىق تەحنولوگيالار» اق-مەن بىرلەسىپ, ەلىمىزدىڭ ازاماتتارىنا eGov mobile قوسىمشاسى ارقىلى حاكەرلەر مەن الاياقتاردىڭ قولىنداعى دەرەكتەر تۋرالى حابارلاۋ باستاماسى پىسىقتالىپ جاتىر. ەلەكتروندى ۇكىمەتتىڭ موبيلدىك قوسىمشاسىنداعى پايدالانۋشىنىڭ جەكە كابينەتىنە سايتتاردا ونىڭ جەكە دەرەكتەرىن زاڭسىز جيناۋ جانە جاريا ەتۋ فاكتىلەرى انىقتالعان كەزدە حابارلاما كەلەدى. ىسكە قوسۋ 2022 جىلدىڭ سوڭىنا جوسپارلانىپ وتىر», دەپ مالىمدەدى «ۇلتتىق اقپاراتتىق تەحنولوگيالار» اق.
اتالعان ورتالىقتىڭ باسقارما توراعاسى روستيسلاۆ كونياشكيننىڭ ايتۋىنشا, بارلىق ازامات حاكەرلىك توپتار, الاياقتار نەمەسە باسەكەلەستەردىڭ جەكە دەرەكتەردى قانداي ويمەن قولداناتىنىن بىلە بەرمەيدى.
ء«بىزدىڭ ماقساتىمىز – پايدالانۋشىلاردى ىقتيمال جاعىمسىز سالداردان بارىنشا قاۋىپسىزدەندىرۋ جانە قويىلعان مىندەتتى بىرلەسىپ شەشۋ ءۇشىن eGov mobile قوسىمشاسى ارقىلى ولاردىڭ قۇپيا سوزدەرى مەن دەرەكتەرىنىڭ جاريا ەتىلۋى تۋرالى حاباردار ەتۋ جانە ەسكەرتۋ», دەيدى ول.
ايتا كەتۋ كەرەك, 2021 جىلى «ۇات» اق قىزمەتتەر مەن قوcىمشالاردىڭ قاۋىپسىزدىگىن قامتاماسىز ەتۋدىڭ ۇلتتىق باعدارلاماسى – Bug Bounty-عا قوسىلدى. Bug Bounty-دىڭ 10-نان اسا ەلدەن جينالعان تاۋەلسىز زەرتتەۋشىلەرى ءبىزدىڭ eGov.kz پورتالىنىڭ 50-گە جۋىق ءالسىز تۇستارىن انىقتاعان. سايكەسىنشە, ول وسال تۇستاردى «ۇلتتىق اقپاراتتىق تەحنولوگيالار» اق, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ قىزمەتكەرلەرى ساتىمەن جويا العان.
تسيفرلىق دامۋ ءمينيسترى باعدات ءمۋسيننىڭ ايتۋىنشا, قازىرگى كەزدە ەلەكتروندى ۇكىمەت پورتالىنىڭ قىزمەتىن قازاقستاندا 10 ميلليوننان اسا ادام پايدالانادى.