شىمكەنتتە 57 جاستاعى تۇرعىننان 6 كەلى ماريحۋانا تاركىلەندى, دەپ حابارلايدى Egemen.kz.
شىمكەنت قالاسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى «قاراسورا-2022» جەدەل-پروفيلاكتيكالىق ءىس-شاراسى بارىسىندا ءوز ۇيىندە ءىرى كولەمدە ەسىرتكى ساقتاعان 57 جاستاعى جەرگىلىكتى تۇرعىندى قۇرىقتادى.
تەكسەرۋ بارىسىندا اتالعان ازامات ەسىرتكى زاتتارىن 90 پوليەتيلەندى پاكەتتەرگە بولشەكتەپ سالىپ, قۇرىلىس شەلەكتەرىنە جاسىرعانى انىقتالدى.
ساراپتاما قورىتىندىسىنا سايكەس, تاركىلەنگەن ەسىرتكى زاتى كەپتىرىلگەن ماريحۋانا ەكەندىگى بەلگىلى بولدى, جالپى سالماعى – 6 كەلى 363 گرامدى قۇرادى.سونىمەن قاتار تۇرعىلىقتى مەكەنجايى بويىنشا قوسىمشا تەكسەرۋ بارىسىندا 2 ءتۇپ سورا ەسىرتكى وسىمدىگى الىندى.
بۇگىندە اتالعان ازاماتقا قاتىستى سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە. كۇدىكتى قاماۋعا الىندى.