جاعاجايعا تۇركىستان وبلىسىنىڭ اكىمى ومىرزاق شوكەەۆ كەلىپ, قالا تۇرعىندارىن قۇتتىقتاپ, جاڭا ۇجىمعا تابىس تىلەدى, دەپ حابارلايدى Egemen.kz.
تۋريستىك-رەاكتسيالىق ورتالىقتىڭ اشىلۋ سالتاناتىنا وڭىردەن, شىمكەنتتەن جانە ەلىمىزدىڭ باسقا قالالارىنان تۋريستەر كەلدى. سونداي-اق بالالارعا ءتۇرلى ويىن ۇيىمداستىرىلدى.
جاڭا نىسان ءتۋريزمدى دامىتۋعا عانا ەمەس, تۇركىستان اۋماعىن كوگالداندىرۋعا جانە كليماتتىق جاعدايلاردى جاقسارتۋعا دا ىقپال ەتەدى.
ەسكە سالايىق, جاعاجاي قۇرىلىسى 2020 جىلدىڭ قاراشاسىندا باستالدى. جالپى اۋدانى - 81 گەكتار, ال سۋ سىيىمدىلىعى - شامامەن 2,5 ميلليون تەكشە مەتر.
كوكتەمگى سۋدى قابىلدايتىن جانە ونى وتكىزەتىن ارنالار دا دايىن. جاعاجايدا ەمدىك قاسيەتتەرى بار قۇم توسەلىپ, اعاشتار وتىرعىزىلعان. جاڭا تۋريستىك نىسانعا اپاراتىن جولدىڭ ساپاسى جوعارى دەڭگەيدە. جاقىن ارادا بالالار دەمالىس ايماعىن, ەليتالىق كوتتەدجدەر, قوناقۇيلەر, اكۆاپارك سالۋ جوسپارلانىپ وتىر.