قر پارلامەنتى سەناتىنىڭ توراعاسى ماۋلەن اشىمباەۆ قۇربان ايت مەرەكەسىمەن قۇتتىقتادى, دەپ حابارلايدى Egemen.kz.
«بارشاڭىزدى قاسيەتتى قۇربان ايت مەيرامىمەن شىن جۇرەكتەن قۇتتىقتايمىن!
قۇربان ايت – ەلدى بىرلىك پەن بەيبىتشىلىككە شاقىراتىن, ءوزارا سىيلاستىق پەن قۇرمەتتى دارىپتەيتىن, ىزگى امالدار مەن قايىرىمدى ىستەر جاساۋعا ىنتالاندىراتىن مەرەكە. جاقسىلىققا جاقىن جانە كوپكە قامقور بولۋ – وسى مەيرامنىڭ ماڭىزدى شارتتارى. بۇل قۇندىلىقتار ەلدىڭ ىرگەسىن بەكەمدەۋگە جانە رۋحاني كەلبەتىن كەمەلدەندىرۋگە ەلەۋلى ىقپال ەتەدى.
ايت كەزىندەگى وسىنداي يگىلىكتى ىستەر ءبىزدىڭ ۇلتتىق بولمىسىمىزعا اينالعانى انىق. ولار ەلىمىزدەگى تاتۋلىق پەن كەلىسىمنىڭ نىعايۋىنا دا ۇلكەن سەپتىگىن تيگىزۋدە. شىن مانىندە, ىزگىلىك پەن مەيىرىمدىلىك قاشاندا حالقىمىزدىڭ ىرىس-ىنتىماعىن ارتتىرا تۇسەدى.
وسى ۇلىق مەرەكەدە ەلىمىزگە اماندىق, جەرىمىزگە تىنىشتىق جانە ءار شاڭىراققا شاتتىق تىلەيمىن! شالعان قۇرباندىقتارىڭىز بەن نيەتتەرىڭىز قابىل بولسىن! ايتتان ايتقا امان-ەسەن جەتە بەرەيىك!», دەلىنگەن قۇتتىقتاۋدا.