قر ۇلتتىق قاۋىپسىزدىك كوميتەتى ەسىرتكى جانە پسيحوتروپتىق زاتتاردىڭ تارالۋىنا قارسى ءىس-قيمىل شەڭبەرىندە حالىقارالىق جانە رەسپۋبليكالىق دەڭگەيدەگى ەسرتكى جولدارىن كەسۋ بويىنشا جەدەل-ىزدەستىرۋ ءىس-شارالارىن جۇزەگە اسىردى, دەپ حابارلايدى Egemen.kz.
ۆەدومستۆونىڭ ءباسپاسوز قىزمەتى ءمالىم ەتكەندەي, وسى جىلدىڭ ماۋسىم ايىندا ۇقك 21 ەسىرتكىگە قارسى وپەراتسيا, ونىڭ ىشىندە رەسەي, قىرعىزستان جانە وزبەكستاننىڭ ارنايى قىزمەتتەرى مەن قۇقىق قورعاۋ ورگاندارىمەن بىرلەسىپ جۇرگىزدى.
«ەسىرتكى ترافيگىنىڭ 6 حالىقارالىق جانە 12 وڭىرلىك ارناسى جويىلدى. سينتەتيكالىق ەسىرتكى وندىرەتىن 3 جاسىرىن زەرتحانانىڭ قىزمەتى بەيتاراپتاندىرىلدى.
ارنايى وپەراتسيالار بارىسىندا ەسىرتكى قۇرىلىمىنىڭ 31 قاتىسۋشىسى ۇستالدى. زاڭسىز اينالىمنان 120,6 كگ ەسىرتكى, ونىڭ ىشىندە 61,8 كگ سينتەتيكالىق ەسىرتكى (206 مىڭ ء«بىر رەتتىك دوزاعا» بالامالى), 6 كگ ماريحۋانا, 52,7 كگ گاشيش تاركىلەندى», دەپ اتاپ ءوتتى ۇقك وكىلدەرى.
بۇدان باسقا, پسيحوتروپتىق زاتتاردى دايىنداۋعا ارنالعان 6000 ەكستازي تابلەتكاسى جانە 2 توننادان استام حيميالىق رەاگەنتتەر اينالىمنان شىعارىلدى.
«ماۋسىم ايىندا الىنعان ەسىرتكىنىڭ جالپى سوماسى «قارا نارىقتا» 1,3 ملرد تەڭگەدەن استام سوماعا باعالانادى. حالىقارالىق ەسىرتكى بيزنەسىنە قارسى ءىس-شارالار جالعاسىپ جاتىر», دەلىنگەن حابارلامادا.